【無間道】羅仲謙包場同老婆楊怡睇《女兒國》 仲日日視像談情
撰文：張嘉敏
出版：更新：
羅仲謙近年長駐內地拍戲，同老婆楊怡分隔中港兩地，見面時間自然少了，努力為事業搏殺的他今年情人節難得可以休息，當然要同老婆好好慶祝一下。謙謙今日出席劇集《無間道》宣傳活動時，就透露情人節晚會於圓方包場同老婆，以及200位親戚朋友一齊睇他主演的電影《女兒國》慶祝，他說：「二人世界燭光晚餐呢啲幾時都做得，送禮物都係，但要集齊200人一齊睇戲慶祝就好難得。」
羅仲謙同老婆包場睇戲慶祝情人節。（梁碧玲攝）
謙謙長期在內地拍戲，他與身在香港的老婆楊怡又怎樣維繫感情呢？謙謙勁sweet地表示：「佢會飛過嚟探班㗎，仲成日話想嚟多啲，陪我多啲，但係我叫佢唔好啦，講真喺片場又多灰塵，有時啲地方又遠又隔涉，佢一個女仔要舟車勞動，其實都好辛苦，我叫佢喺屋企休息下，歎下好過啦，佢都衝咗好多年，唔想佢咁攰。」問到他老婆幾耐會去探他一次，謙謙說：「通常兩個月一次，會逗留一星期，我會check定晒啲期，知道嗰幾日唔使開工嚟陪佢，去旅行拍下拖。平時每日facetime傾偈就必須㗎喇，基本嘢嚟。」
謙謙會帶老婆遊中國拍下拖。（梁碧玲攝）
+3
謙謙話唔想老婆咁辛苦，好sweet呀。（梁碧玲攝）