【情人節】JW王灝兒獲富二代男友送特別「花」 夠創意100蚊有找

撰文:
最後更新日期:

情人節個個都送玫瑰花,唔通個個都想收玫瑰花咩?好似JW王灝兒咁,情人節收花都收得特別過人,今次唔係西蘭花又唔係士多啤梨花咁行嘅嘢,佢收到嘅係「12億太子爺」男朋友Tarzan送嘅「麥樂雞花」,JW大讚話係「I think he gave me the best bouquet in the world(我覺得佢送了全世界最好的花畀我)超級超級鍾意!!!我真係好鍾意食麥樂雞㗎」,佢仲話紮「花」係男朋友親手整嘅,而Tarzan都有喺自己IG Po相,仲話紮花100蚊有找。


【情人節】阮兆祥拖足17年 讚女友不似港女:有咩事都唔好嗌交

【父女戀】唐文龍暗拖黃文意 十億富家女:係開心愉快嘅

JW王灝兒喺IG大晒男朋友親手整俾佢嘅「麥樂雞花」。(IG圖片)

JW 12億太子爺Tarzan都有喺IG PO相,仲話紮花100蚊有找。(IG圖片)

呢啲咪識做囉,係講兩個都識做,男朋友懂得投其所好,花少少心思,親手包裝,女朋友收到又識得放上網大讚男朋友做得好,大晒幸福,皆大歡喜。不過各位男士請小心,其實此乃高危動作,就算你女朋友好似JW咁鍾意食麥樂雞都好,送「麥樂雞花」之餘,記得搭多份禮物,女朋友加倍開心,仲可保平安,須知道,唔係個個屋企都有12億身家㗎嘛,切記切記。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。