【波士早晨】簡淑兒拍劇起步遲 演悲情女角入屋:希望進步比人多

撰文:冼燕珊
出版:更新:

「宅男女神」簡淑兒(Jessica)入行5年多,2012年參加香港小姐競選,雖然落敗,但從此加入娛樂圈,佢先在《娛樂新聞台》擔任主持,後來有機會開始拍劇,在無綫處境劇《愛·回家之八時入席》中飾演袁冰冰(Elsa)一角,因為佢甜美的笑容而引起網民關注,她於2015年分別與許雅婷(Kabby)、袁紫僑(CoCo)和溫心(Swan),組成香港女子音樂組合「少女標本」,成為新一代「宅男女神」。

Jessica憑藉甜美笑容成為新一代「宅男女神」。(黃國立攝)
Jessica於2015年分別與許雅婷(Kabby)、袁紫僑(CoCo)和溫心(Swan),組成香港女子音樂組合「少女標本」。(IG圖片)

Jessica目前以拍劇為主,佢在TVB劇集《平安谷之詭谷傳說》中飾演淼淼及《波士早晨》中飾演Hanna都相當令人注目,不過對於現時的演藝成績,Jessica坦言不滿意:「雖然好多人叫我唔好咁心急,慢慢嚟,但我年紀唔細,起步比人遲,所以我希望進步比人哋多。」不過只是拍劇,並不能令Jessica滿足,佢希望可以作出更多嘗試:「舊年都係以拍劇為主,希望可以多啲機會拍電影同廣告,仲有希望可以出新歌。」

雖然簡淑兒在《波士早晨》飾演小職員,不過一樣好多巴打留意。
Jessica於《平安谷之詭谷傳說》中飾演淼淼一角,雖然角色份量不算太重,但也引起不少關注。(IG圖片)

【情人節】簡淑兒單身行花市 女神電力勁店小二暈大浪

簡淑兒爸爸管教極嚴 細個唔俾拍拖只可去圖書館

Jessica所演的多是鄰家女孩,要不就是弱不禁風的悲情角色,連佢啲親戚都話覺得佢啲角色好慘,所演戲路似乎有點窄,奈何形象太深入民心,一時三刻難以作出太大改變:「始終有些角色未必好適合我演,我未必駕馭到,依家汲收緊經驗,希望慢慢可以精益自己嘅演技,進步多啲,先可以演更多嘅角色。」

Jessica經常飾演鄰家女孩或被悲情角色。(IG圖片)

而Jessica最想嘗試的是演古裝武俠片,因為小時候睇好多古裝劇,令佢好憧憬演一個文武雙全的俠女:「我想演韋小寶其中一個老婆雙兒,佢既文武雙全,又係最愛小寶嘅人,雖然佢唔係小寶最愛,但我覺得這個人很完美,我自己好鐘意呢個角色。」

服裝鳴謝:@toutacouphk

+3