伯賢V Live想罵私生飯讀錯電話號碼 無辜事主慘被EXO-L炸爆電話
韓國男團EXO成員伯賢在情人節晚上開V Live直播，之不過直播途中竟然不斷有電話打畀佢！而伯賢當時即刻話：「佢哋點知我電話號碼㗎？」透露佢根本唔知道對方係邊個，極有可能是私生飯行為！其實Kpop偶像好多時都會有私生飯跟出跟入，對藝人私生活做成極大影響！好似昨日Wanna One所屬經理人公司YMC Entertainment就再度發表聲明話會嚴正私生飯嘅行為。而另一Kpop男團VIXX隊長N都發言話唔好去醫院搵佢，佢只係想好好喺醫院照顧家人。
說回昨日情人節EXO伯賢在V Live直播期間，有來歷不明的電話不斷打畀伯賢，而伯賢又唔知對方係邊個？最可惜係伯賢叫佢唔好再打嚟之餘，喺直播期間本來想讀出私生飯嘅電話號碼，卻唔小心講錯個唔關事嘅電話號碼，令呢位電話號碼嘅主人被誤會係騷擾伯賢的私生飯，因而不斷收到EXO-L（EXO粉絲）打去責罵！事後那位無辜嘅電話號碼主人，便在社交網絡表示「雖然伯賢讀咗我嘅電話號碼，但我連EXO有幾多個人都唔知，唔係呢個電話。我唔知道佢嘅電話號碼，請唔好再打嚟，我唔係粉絲。」
今日EXO伯賢就喺個人Instagram上幫手澄清「請唔好再向010-5183-XXXX打電話，我睇錯咗私生飯嘅電話讀錯咗，佢同私生飯毫無關係。請唔好打電話，因為呢個唔係私生飯嘅電話。係已經確認過再同大家講既，拜託大家了！請絕對唔好聯繫無關係嘅人。唔想再因為我嘅失誤令到更多人受傷，所以亦請唔好向我打電話。」EXO-L記住聽伯賢話，唔好搵錯人鬧啊！
【EXO】伯賢：「唔明人們點解抑鬱」被轟 今於IG公開道歉兼解釋
下載《香港01》App，更多韓星靚相、影片率先睇！
我哋01韓迷嘅facebook專頁Kpop 01已經開咗喇！想知道更多韓國娛樂、飲食、玩樂、時尚資訊，快啲去畀like啦：https://www.facebook.com/hk01.kpop/