【春晚】王菲晚裝雙手造型似「洗碗手套」　囡囡竇靖童隔空支持

每年內地中央電視台於年卅晚舉辦的《春晚》（《春節聯歡晚會》）往往都是重頭戲，今年更是亮點多多。就好似早前傳出兩位天后那英同王菲，將時隔二十年合體演唱，沒想到夢想成真，二人齊齊合唱《歲月》聽到不少觀眾出晒耳油添。

20年前二人齊齊上春晚合唱《相約1998》，20年後經典重現帶來《歲月》一曲，王菲樂聲溫柔清淡；那英優雅大氣，一剛一柔配合得天衣無縫，獲得不少人大讚，絕對是好難忘的一夜。

二人合唱除了是焦點之外，王菲一身打扮特別在於她手部設計的手套，被笑似「洗碗手套」立即成為話題登上熱搜榜，正正因為天后戴過意外成為搶手貨，不少粉絲都喊著要同款，因此又帶來了無限商機。內地購物網站已經陸續推出王菲春晚同款手套，價錢在15 元人民幣至29元人民幣不等，睇嚟天后魅力真係沒法檔。

另外，就在王菲表演後不久，身為女兒的竇靖童就在社交網站上貼一張兒時與媽媽的照片，寫下：「看見沒這是我媽，牛逼不。」隔空為媽媽加油打氣，又無意間引來話題，母女二人可以話為今年春晚帶來了亮點。