宅男跟女子偶像團體跳舞變出靚Body 許家傑：咁嘅身型不如出去蒲
撰文：陳浩賢
出版：更新：
宅男給人印象是其貌不揚，一味迷戀人氣偶像，而且結交異性上亦有困難，而近日網上瘋傳一條短片，片中男子模仿電視中一隊日本女子偶像團體跳舞，舞步純熟而且跳得忘形，最神奇是他拎住兩個啞鈴，一樣可以跳高伏低，而且操出一身靚Body，而同樣喜愛健身的無綫藝人許家傑，就話其實在韓國好Hits，但都鼓勵他出外結識朋友。
拎住啞鈴都可以跳起，這個動作也有難度。（網上截圖）
這位仁兄跟住偶像跳舞，操肌都特別起勁。（網上截圖）
片中的女子偶像團體aqours，其實是動畫聲優組合，而她們所唱的歌是動畫《LoveLive！Sunshine》的《未来の僕らは知ってるよ》，俘虜了大批宅男粉絲。該段大隻宅男的跳舞短片在網上瘋傳後，即有不少網民留言恥笑，除了話他健身姿勢不正確外，更說「甩手部電視就完了」、「宅男健身法」、「做到這個地步先係粉絲」，不過亦有網民大讚這位仁兄的Body其實幾靚，不如出街識女仔，好過在家中迷戀偶像。
舞步動作都係百分百粉絲，但拎住啞鈴就有點古怪。（網上截圖）
無綫藝人許家傑看過該段短片後，也大讚該名宅男身材不俗，而且當其他網民笑宅男行為古怪時，許家傑卻為對方平反，「呢對啞鈴其實無想像中咁重，我目測就大約10零磅，有時我哋有啲運動練習都係咁，打籃球都會戴啲手鉛、腳鉛，增加個爆發力，都有呢種training」。
許家傑話韓國有類似的健身方法，但都鼓勵對方不要浪費這副Body，出街識下朋友。（網上圖片）
其實這位仁兄操得十分大隻，不如出街識下女仔啦。（網上截圖）
問到片中的健身方法是否正確，許家傑回應「韓國有種健身方法好hits嘅，拎住5至10磅左右嘅啞鈴，好似跳aerobic dance，係咁跳係咁郁，出汗嘅training，睇佢身型都似玩開呢啲，唔似推好重，普通健身人士嗰種。其實做運動有好多種，最緊要肯做同做得好開心，睇佢啲舞步都好熟，所以佢自己都好enjoy。既然佢身型唔差，個樣又唔差，都可以出街結識下其他朋友。」這位宅男操到咁fit，若然一味留在家中，無疑是暴殄天物。
+7