【三個女人一個因】黃智雯唔介意星期日播:可以吸納到另一班觀眾

撰文:
最後更新日期:

《三個女人一個「因」》終於有得睇啦。這套劇在2016年其實就已經拍攝完成,其後更經歷一波三折,成為「倉底劇」而放在2年後播出。劇中主角黃智雯(Mandy)今次更飾演人格分裂的方以因,分別飾演3個不同的角色。「雖然只係拍咗兩個月,又要1人分飾3角,好似workload(工作量)乘3咁樣。」

《三個女人一個「因」》終於播啦,星期日睇輕鬆喜劇就真係啱晒。(林迅景攝)

Mandy接受《香港01》訪問時更表示《三個女人一個「因」》的播出就好似「十月懷胎」一樣。「將自己好多嘅努力,堆堆堆。好似睇住自己嘅BB出世咁。」Mandy仲話自己已經期待咗好耐添。

今次黃智雯會分飾三角。主人格:Evie、第二人格:Pina Colada(阿爆)、第三人格:愁擘擘(阿愁)。(林迅景攝)

說起《三個女人一個因》的劇情,她就豪言:「場場都係焦點,唔係呃你。呢套係喜劇,一定有好多爆笑場面。例如佢本身係一個大律師。佢上庭,但係無啦啦『阿愁』會出咗嚟,又或者『阿爆』出咗嚟。入面會有好多呢啲爆笑場面。」

「炮灰女王」/「週末女王」,黃智雯呢個外號真係不得了。(林迅景攝)

說起來,其實黃智雯與「倉底劇」甚為有緣。(之前《雜警奇兵》及《流氓皇帝》也是「倉底劇」)所以網上討論區留言,網友也幫黃智雯改了「倉底雯」的稱號。不過黃智雯就坦言並不介意這個外號。「其實仲有好多㗎,咩炮灰女王、週末女王咁。(妳都知?)我平時都有睇啲留言嘅。我覺得幾好吖,叫我女王喎。雖然禮拜一至五時段會多啲人睇到但係放喺星期日就可以吸納到另一班觀眾。尤其是我哋呢套劇會有一啲比較大膽嘅畫面所以放喺星期日會好啲嘅。其實如果網民鍾意,同埋口碑好嘅話,我唔係好介意人哋叫我『炮灰女王』。最緊要套劇可以出街吖嘛。」

大家要俾啲支持呢班台前幕後嘅人員。(林迅景攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。