【三個女人一個因】孫慧雪演傻氣心理醫生 :係我最後一套存貨劇

撰文:
最後更新日期:

孫慧雪(雪雪)至去年結婚生子之後就工作量大減,一直不多於電視機中出現。而最近開播的《三個女人一個因》一劇中,雪雪就飾演心理醫生-邊小豆(Dr.Bean),劇中更與黃智雯(方以因)及陳智燊有很多對手戲,其實戲份頗重。

孫慧雪在劇中飾演心理醫生兼黃智雯的中學同學兼競爭對手。(劇照)

昨日《三個女人一個因》首播,仲一連播出2集,雪雪出場畫面雖然只是短短幾分鐘,但是網民已表示十分期待雪雪之後的演出,更有網民話邊小豆一角與雪雪十分相似,原來連她本人也感覺到。孫慧雪(雪雪)接受《香港01》說:「今次角色我係好『騎呢』,每次出嚟都有啲『蝦碌』嘢,一係就跌咗落水,一係就唔知做咩。德哥(編劇戴廣德)仲話:『每個角色都好似為個演員而設咁。』我就心諗:『咦,你係咪即係話緊我傻傻地呢。』因為我個角色都係傻傻地㗎嘛。」

其實孫慧雪宜家都唔係好肥啫。(林迅景攝)

不過其實星期日播出的《三個女人一個因》已是雪雪在TVB的「最後一套存貨」,久休復出的雪雪暫時並未接到新劇目的邀請。她更透露最近正在減肥中。「因為呢排要成日出嚟宣傳,所以我就喺度節食減肥。同埋呢排BB夠六個月可以開始食粥,唔使餵咁多人奶,所以我就可以節食。我未生之前一百一十幾磅。宜家由141磅瘦到132左右,都瘦咗9磅㗎,但係就仲爭10幾磅。」雪雪仲話好想用最佳姿態迎接工作添。

《三個女人一個因》首播當晚,編劇戴廣德(德哥)仲約咗班演員一邊食飯煲劇,孫慧雪都有去㗎。(林迅景攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。