【三個女人一個因】袁偉豪又要「剝衫」拍劇:賣body都只係基本

撰文:
最後更新日期:

《三個女人一個因》在年初三(2月18日)星期日開播,劇中主角方以因(黃智雯飾)在頭1,2集就已經頻頻與利東佳(袁偉豪飾)針鋒相對。不過隨着利東佳發現了方以因的多重人格症,之後會與她其中一個人格有感情線。袁偉豪接受《香港01》訪問時,更大讚黃智雯:「佢呢次真係犀利到不得了。我哋成日都會話,拍呢套劇真係『傾家蕩產』,真係嘔曬啲演技出嚟。」

今次黃智雯同袁偉豪有好多對手戲。(林迅景攝)

講起袁偉豪,大家一定會想到「肌肉型男」、「show肌」,他接受《香港01》時說:「呢套《三個女人一個因》其實我冇乜剝衫嘢,就算係剝衫,我都好似一個屋邨仔咁,我只係貼地嗰隻。」雖然有不少觀眾都對袁偉豪的「肌肉body」抱以厚望,不過他說:「可能好多人都覺得袁偉豪大隻,其實我一啲都唔大隻。我只係咁多年都keep住嗰個水平。」

不過未來10年之內,袁偉豪會否繼續以「show肌」作為焦點呢?袁偉豪說:「我唔介意嘅,不過最好唔好囉。如果唔係咁,我就要重新檢討下自己嘅戲路,因為我覺得依家觀眾需求並唔係咁單方面。坦白講我哋做男演員競爭都好大,我覺得所謂嘅『賣body』都只係基本,其實都係要睇餸食飯。」

袁偉豪覺得賣body只係基本。(林迅景攝)

黃智雯在劇中有多重人格,其中一個人格與袁偉豪有感情線。(林迅景攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。