李榮浩玩IG追蹤楊丞琳偷偷放閃 鋪片貼文玩上癮
撰文：蘇國豪
出版：更新：
內地歌手李榮浩同楊丞琳戀愛3年幾愛得甜蜜，雖然二人甚少在公開場合曬恩愛，不過不時見他們在社交網站隔空傳愛就知道超Sweet。而近日李榮浩更開通Instagram（IG）帳號，被發現只係追蹤女友楊丞琳一人，偷偷放閃的動作簡直閃瞎唔少人啊！
李榮浩玩IG亦不忘放閃啊！（網上圖片）
李榮浩一開通IG就向粉絲打招呼：「IG你好 我是李榮浩」，短短一日時間就有超過15萬人關注，唔少粉絲都係翻牆關注他，可見人氣有幾高。而剛剛玩IG的他更被眼利的網友發現，只係追蹤女友楊丞琳一人，放閃行為搞到唔少人超羨慕。
李榮浩亦關注好兄弟陳奕迅。（網上圖片）
繼楊丞琳之後，李榮浩今日又關注好友陳奕迅，並上貼一段自彈結他的影片，粉絲都畀他的才華吸引，紛紛大讚「帥慘了」、「彈吉他有點帥啊」、「酷」，睇嚟只係開通兩日時間就不斷更新，李榮浩一定係玩上癮喇！