【丫鬟大聯盟】謝東閔新劇做男二：我一直有講想唱歌

《丫鬟大聯盟》今次找來型男謝東閔擔任劇中第二男主角的角色，劇中飾演一名書生「龐鳳紅」。該劇更是他首次擔任第二男主角以及首次的古裝。謝東閔接受《香港01》訪問時說：「我淨係想做好我嘅角色，觀眾同公司覺得我做得好，我就已經好開心。其實今次演書生，啲之乎者也好難背，同埋要學古人嘅動作。我之前其實都睇咗好多戲去學，例如《金裝四大才子》又或者睇下《倩女幽魂》。」

唔講可能會唔記得，原來謝東閔當年憑著參加《超級巨聲2》而開始受人所認識，其後加入TVB。雖然歌曲作品真係5隻手指都數得晒，不過明顯地戲劇方面卻演得有聲有色。謝東閔在之後的《堅離地愛堅離地》及《十兄弟》中佔重戲份。其中年度TVB重本巨製《十兄弟》更擔任兩大男主角之一。去年（2017年）更拿了《星和無線電視大獎》的「TVB最佳新人」，可謂是TVB力捧新人。不過現年32歲的謝東閔才得到「TVB最佳新人」獎，會唔會遲咗少少呢？

謝東閔：「有心唔怕遲吖嘛。阿楊（楊明）都咁多年先攞飛躍啦，所以我唔諗呢啲嘢嘅，公司俾個獎我，已經好開心。」演戲方面為謝東閔帶來成功。不過原來心底𥚃，謝東閔一直都好想唱返歌。「有㗎，我一直都有同公司講返我唱歌意願，可以唱返主題曲，因為我自己又拍緊嘅時候，唱返咪更有感覺囉。」