韓國人戴口罩宜忌 戴錯會畀人誤會整容
撰文：冼燕珊
出版：更新：
有網民開Post話女仔戴口罩，遮住半邊臉特別靚，林穎彤日前出席活動時就表示自己都有儲吓日本嘅美顏口罩，而眾所周知，韓國人都鐘意戴口罩，次次喺機場見到啲Artists，大多數都係戴住口罩示人，不過留意返，韓國人有自己一套戴口罩宜忌，唔小心戴錯，會畀人誤會你去整容㗎！
好多韓星都喜歡戴黑色口罩，圖為韓星Rain。(視覺中國)
原來韓國人自己有共識，一般人都係整完容就會戴白色口罩，所以如果你喺韓國戴白色口罩，人哋就會好自然咁估你係咪剛整完容。韓國貴為整容大國，據統計每五個韓國人就有一個人整容，整容對佢哋嚟講，真係平常到同食泡菜無異。而一般整容的高峰期在冬天，12月至2月底最多人整容，因為呢段時間係韓國嘅寒假，而3月係佢哋嘅開學季節，所以好多學生都會把握呢段時間去執執個樣，尤其係升大學嗰班，去到一個新嘅環境，反正都無人認得自己。再加上冬天傷口無咁容易發炎，所以就特別多人揀喺呢個時間整容喇。
在韓國戴白色口罩好容易被誤會剛整完容。(視覺中國)
冬天是韓國的整容旺季。(視覺中國)
而一般韓星都係戴黑色口罩，當佢哋素顏或是想低調的時候，就會派口罩出馬，就算幾乎將塊面都遮住晒，但還是會搭配到整體穿搭，非常有型，成為一種「口罩時尚」！