【集體回憶.多圖】向海嵐四料冠軍入行 曾奪「最強人氣奸人王」

撰文:
最後更新日期:

1998年向海嵐連奪最上鏡小姐、環球美態大獎、動感都會大使,以四料冠軍姿態入行。(網上圖片)

喺娛樂圈唔少人都話要靠「一命二運三風水」,單靠靚同演技好都未必一定可以走紅,如果可以建立個人風格當然更好啦,好似提起鄭子誠就諗起有陰謀,提起開心果會諗起朱咪咪。向海嵐10年前忽然離開TVB轉往內地做PR,曾經被稱為最強奸人王嘅佢,以下呢幾個角色八九十後一定有印象!

去年向海嵐於內地劇《何所冬暖,何所夏涼》中亮相,勾起唔少網友嘅集體回憶。(影片截圖)

【戲癮發作】向海嵐默認TVB曾邀拍劇:古裝時裝都有問過

43歲嘅向海嵐真係keep得唔錯呀﹗(向海嵐微博)

+4
+3
+2

1998年向海嵐參選港姐獲四料冠軍入行,99年代表香港參選國際華裔小姐奪得季軍。近日向海嵐接受商台《1圈圈》訪問,講返當年因為忽然不再受重用,覺得同公司發展路向不一致而決定離開,「喺最後一套劇我由主角變配角,是其中一個令我唔想再留喺TVB嘅原因。其實我唔介意係唔係做主角,到依家都仲有好多人記得我飾演過嘅奸角,只要我嘅角色喺劇中有一定影響已很滿足。」

10年前退居幕後,近年向海嵐重返幕前,參演舞台劇及接下主持工作。(向海嵐微博)

2006年婚紗展上,全盛時期嘅向海嵐,同剛入行嘅陳法拉一齊著上裙褂,展現東方美。(視覺中國)

的而且確,頂住港姐冠軍光環入行,喺TVB拍過23套劇集,向海嵐的確算演得較多奸角,仲相當深入民心。以下幾個角色有忠有奸,你又最鍾意邊個?

1999年初次啼聲,於《刑事偵緝檔案IV》中飾演古天樂女朋友梁芊芊。

《刑事偵緝檔案IV》--- 梁芊芊(影片截圖)

2000年擔正主演劇集《楊貴妃》,當時創下36.2點的高收視率,比同期播出的電視劇,位居收視榜首!

《楊貴妃》--- 楊玉環

同樣係2000年嘅作品,《金裝四大才子》中雲集當紅嘅四生四旦,向海嵐飾演嘅李鳳姐只屬配角,仲喺劇集後段先出現,但其表現相當搶眼,演活江湖女子嘅豪氣,同楊玉環截然不同,令人印象深刻。

《金裝四大才子 》--- 李鳳姐 (網上圖片)

2002年夥拍好戲之人陳妙瑛主演《無頭東宮》,為一己私慾同好姊妹換臉,為保靳妃之位做盡壞事,事隔15年依然係網友力捧佳作。

《無頭東宮》 --- 靳妃/楚楚 (影片截圖)

去年年尾ATV活動上,向海嵐同陳妙瑛呢對好拍檔再聚頭合影。(向海嵐微博)

2005年《胭脂水粉》中宋雲裳奸到出汁,為咗復仇搞出連番風雨,向海嵐更憑住呢個角色於2006年奪得由讀者投票選出《TVB周刊最強者氣大獎》「最強者氣奸人王」。

《胭脂水粉》 --- 宋雲裳

+3
+2

2002年參演改編自古龍武俠名著嘅電視劇《蕭十一郎》,在劇中飾演女主角沈壁君。(網上圖片)

《鳳舞香羅》 --- 寶翠瓏 (視覺中國)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。