【棟篤笑2018】黃子華落實7月6日開騷 票價破紀錄$880又秒殺?

撰文:
最後更新日期:

呢期黃子華當紅,繼電影《棟篤特工》大收,邁向$4,000萬,上星期便再傳出事隔3年,黃子華會於暑假期間再開棟篤笑,大家都非常興奮。

由於上次開賣不久已斷市,所以今次一收到消息,大家已四出搵門路入手,群情洶湧到子華怕有人渾水摸魚,要出post寫明自己個「子華本部」專頁,並非官方授權售票網站,以正視聽。

賀歲片《棟篤特工》收得,子華乘勝追擊開埋棟篤笑。

上星期流出黃子華開Show消息後,大家都非常雀躍,首先四出打探消息係咪真,然後下一句就問買唔買到飛?今日又有進一步消息公告,開棟篤笑是真的,日子都定埋,由7月6日開始至22日,一開賣就17場,真係連宣布加場都慳番。當然,呢個場數唔保證仲有冇加場,話唔定賣得好又加多幾場呢?最快會於3月1日有公佈。

最新網上流傳的棟篤笑圖片。

最新流出的圖片,都未見有今次棟篤笑的主題,只見8個大字︰「不設巡迴,香港玩晒」,好一錘定音。至於票價方面,又比2014年的《唔黐線 唔正常》上調不少,上次最貴飛都仲係$580,今次就觸及$880,加幅達50%!破埋黃子華個人最貴紀錄,餘下的就有$680、$480、$380、$280,門票將於3月26日9am作優先訂飛,屆時又要爭崩頭。

黃子華的官方網站「子華本部」,都要發聲明以正視聽。

4年前棟篤笑,最貴都係$580,真係抵睇。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。