陳偉霆遊布吉島變「行走的風景」　粉絲有求必應被讚超級nice

去年吸金1.2億人民幣成功躋身「2017福布斯中國名人榜」的陳偉霆，正所謂「工作是為了旅行」，日前他就與家人齊齊到泰國布吉島旅遊，被不少內地粉絲野生捕獲要求合照，William都無托手踭勁nice同佢地影相，被粉絲大讚夠親民，更被形容為「行走的風景」…嗯..真係好誇張囉！

相關文章：

陳偉霆單對單賣萌　邊個粉絲咁好福氣？

【春晚】黃渤又唱又跳唔輸小鮮肉　孖陳偉霆張藝興組新男團都得

講到今次布吉島之旅，William周不時po新相到微博同IG，原來他亦有帶上他的摯愛，講嘅並不是混血巴西索模女友Bruna，而是外甥仔！粉絲仲指William又有新稱號叫「中國好舅父」，因為呢幾日佢po出嘅相，都不是自己的靚仔相，而是同外甥仔玩嘅片段，搞到唔少粉絲即刻母愛大發.. 個個都「陳太」上身，瘋狂留言話好想同佢一齊…...湊BB，又話好羨慕外甥仔，可以有個咁好嘅舅父！