召喚1989的檸檬茶男主角 陽光妹樊亦敏:佢應該轉行做生意

撰文:
最後更新日期:

近期引起網友熱烈討論的《波士早晨》ca姐樊亦敏(Amy),被網友大讚演得又唱得,人又靚女完全唔似46歲,簡直可以被列入「凍齡」女神之一。早於80年代尾已經開始拍廣告,更是經典廣告「陽光檸檬茶」其中一代陽光妹。提到有好多人都想搵返男主角嘅下落,樊亦敏接受《香港01》訪問時就表示同對方失去聯絡,「初初拍完都有聯絡,如果我無幾錯佢之後轉行做生意,再後期仲去咗外國,完全搵唔到佢。」所以大家就只好從廣告中回顧下喇。

樊亦敏係其中一代陽光檸檬茶女主角,好多觀眾都記得。

+3
+3
+3

1991年當年只有20歲的Amy就參選港姐,雖然未有3甲獎項,但奪得《最上鏡小姐》獎項。睇返當年港姐嘅照片,Amy真係好靚女,以而家嘅terms來說,可以話係「零死角」。同年她就加入了TVB成為旗下藝員,直到1996年約滿離開。

Amy 91年參加港姐,並獲得《最上鏡小姐》獎項。

背住鏡頭呢個女仔,其實都係樊亦敏嚟。

提到拍攝廣告的原因,Amy就指因為小時候都有拍開廣告,「咁啱佢要搵人,之後就casting,導演又ok咁就拍咗。」雖然同廣告中男主角無聯絡,但Amy就笑言反而與廣告中其他演員有聯絡,其後更爆出其實她拍攝過兩輯檸檬茶廣告,「第一代鄭伊健做男主角個輯我都係度,有一幕講女主角見到有個女仔同伊健玩緊,之後就好唔開心,其實個個女仔都係我嚟。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。