范冰冰機場Look一級隱蔽 臃腫似座山以為係張惠妹
撰文：蘇國豪
出版：更新：
近年機場已經無疑變成明星們行騷的時尚場地，往往因為一身打扮而引來廣泛關注，討論度十分高。就好似今日內地女星范冰冰咁，一身全黑色打扮包到自己實一實，臃腫到被大家取笑似座山，莫名成為熱話。
范冰冰機場Look黑到似座山啊！（視覺中國）
范冰冰一向走在時尚尖端就人人皆知，今次頂著一頭曝炸長髮戴上黑帽﹑黑超﹑黑口罩，臉部已經超密封，而她更穿上寬闊的褲同大外套，黑到底的打扮包到超實，簡直十級御寒。不過就被大家笑似座山又似《魔戒》入面的矮人族，又係大頭娃娃等超級好笑。
冰冰更被話似張惠妹。（覺視中國）
唔單止咁她臃腫的外形更被話似張惠妹，唔知阿妹聽完之後有咩感想呢？雖然包到咁嚴密，不過仍然遮擋不住她的光環，雖然睇起上來冇咩特別，不過正正過於無平平無奇而令她更突出，大家都話化成灰都認得她，這一套「山系造型」的確五味雜陳，或許得潮人識欣賞，潮流嘅嘢真係識條鐵咩？