【一路向西伯利亞】黎學勤係香港水球隊代表 玩埋賽車做城城隊友

撰文:
最後更新日期:

黎學勤呢個廣告日夜不停loop,真係發夢都記得佢講乜。

ViuTV播映的《一路向西利伯利亞》已經來到尾聲的最後一個星期。相信觀眾都會一邊睇一邊葡萄節2位男神主持黎學勤(Jeffery)與莫竣名﹙Louis﹚,可以「旅行為名,溝女為實」周遊列國識女仔,搵美女當導遊。當中2人更要進行比賽以求贏得異國美女的歡心。不過,據非正式統計顯示,睇節目以女性為主,其中又以黎學勤(Jeffery)較多人討論。點解?因為最近Jeffery除了出現在ViuTV節目上,更有Trivago廣告在TVB日播夜播,真係聽到聲都認得個樣。

雖然係「溝女」之旅,但係唔少網民都覺得佢哋好hehe...

講起《一路向西利伯利亞》呢個節目,其實唔少睇過嘅網民都提過一件事:「Jeffery同Louis 2個男仔去旅行真係有少少hehe。」估唔到,連主角之一嘅Jeffery都好認同呢個講法。「咩少少hehe吖?好hehe添吖呢件事。因為我哋拍節目唔止拍女仔,喺西伯利亞鐵路好多時候都係我同Louis一齊瞓。」

+11
+10
+9

睇相真係唔知,黎學勤(Jeffery)實質仲係一個怕醜仔。

黎學勤(Jeffery),可能大家只係記得佢拍過廣告,做過節目。再深入啲了解,原來他入行前仲做過電腦保安、游泳教練、讀過IVE、又讀過公開大學。興趣運動涉獵更廣,16歲的時候是香港水球隊,做model入行之後更接觸泰拳,又曾經與郭富城同一間賽車隊。黎學勤:「佢有個叫做FRD嘅車隊,最初代就係關邵昌先生。我都係喺嗰度學formula嘅。」

黎學勤以前仲玩過formula賽車。

當初他選擇入行,其實原來都有段故仔。黎學勤說:「我本身係教游水嘅。之前係因為媽咪唔舒服,病咗。所以我未讀完書畢業就出咗嚟返工。教教下游水就有朋友介紹,不如就上去casting啦,所以我就上咗宜家經理人公司。當時公司就話:『不如簽你做model啦。』但係嗰時我又唔係咁想住,我又想做下freelance先。後尾拍咗幾個廣告之後,我先自己敲返門,話我想做返model,可唔可簽我吖?」宜家有得睇《一路向西利伯利亞》,其實都要多謝當時位介紹佢入行嘅朋友。

《一路向西利伯利亞》淨返幾集。

+5
+4
+3


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。