【果欄中的江湖大嫂】岑麗香自創索爆眼鏡look:拍完之後近視深咗

撰文:
最後更新日期:

岑麗香為她主演的無綫新劇《果欄中的江湖大嫂》進行宣傳活動,今次香香在劇中角色形象同以往好唔同,飾演一名老師的她全程都會戴住副近視眼鏡。不過女神始終係女神,香香就算戴眼鏡都特別靚過人,不少觀眾同網民睇完劇集預告同海報,都大讚她的眼鏡look索爆,散發出另一種感覺。原來香香呢個咁靚的戴眼鏡造型是她構思出來的。

香香今日出嚟宣傳無戴眼鏡。(梁碧玲攝)

香香話該劇的監製梁材遠想她在該劇中的角色形象跟以往的她有所不同,香香說:「材叔想我有唔同feel,我就諗下覺得個角色係教書嘅,咁戴眼鏡都好適合,同designer溝通咗之後就決定用呢個look喇,副眼鏡係我自己揀嘅,個款fashion啲會靚啲。希望可以畀到觀眾唔同嘅感覺。」
 

香香戴唔戴眼鏡都咁靚㗎。(梁碧玲攝)

香香話自己本身有100度近視,拍呢套劇拍了三個月,覺得近視都加深了:「我全程戴住副近視眼鏡拍,日日戴,由朝戴到晚,所以會有影響,下次我會叻啲,唔再戴近視眼鏡拍,戴平光。」

香香話要讚下老公影得佢靚。(梁碧玲攝)

提到香香的IG相都好靚,問她是邊位操刀幫她拍攝,她說:「我通常都有tag係邊個影嘅,有啲係自拍,有啲係老公影,有啲係朋友影。我自己對攝影都好有興趣,想學。(滿唔滿意老公影你嘅相?)咁都要讚下佢少少嘅。」

香香表情包大放送,埋嚟睇埋嚟學嘢啦。(梁碧玲攝)

香香呢個眼鏡look係自己度。

大量索爆香香表情包:

+10
+9
+8


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。