【爸爸去哪兒5】嗯哼買菜討價還價　超Man幫媽媽拎菜

去年因為綜藝節目《爸爸去哪兒5》而爆紅的嗯哼大王，無論去到邊都咁受歡迎，已經成為家喻戶曉的小明星。近日，他更被發現跟着媽媽霍思燕齊齊去街市買菜，仲幫埋口講價又超貼心幫手拎菜，男友力滿滿又睇到一班姐姐心心眼。

一身少女打扮的霍思燕，被不少人發現帶同仔仔嗯哼出現在街市，人鬼細大的他好似好識揀，左睇睇右摸摸實行揀個最靚嘅。超認真的他更發揮其魅力，同老闆討價還價，為媽媽節省了唔少錢。

一向Man爆的他更超貼心幫媽媽拎菜，跟着媽媽後面慢慢走，超孝順的模樣令他再次吸睛。不少姐姐級粉絲已經給他迷倒，男友力滿滿超Man超有氣勢，大王不愧為大王。不過據知，母子二人突然出現好有可能拍攝節目《媽媽是超人》搞到大家都想睇，而嗯哼不停上真人騷節目，更被網友封為「綜藝一哥」，睇嚟他的魅力真係沒法擋啊。