【Do姐有問題2】農夫講自己歌影視發展 唔一齊拍劇有原因

撰文:
最後更新日期:

《Do姐有問題2》在今個月的12號便會讓大家見到,鄭裕玲Do姐和農夫這對最佳拍檔又將會為觀眾大放笑彈。在上一集,農夫為Do姐改了不少花名,成為了節目的一大賣點,包括鄭裕響玲、鄭裕兇玲、鄭裕玲堂等等。被問到今次會否又有新花款,農夫在接受《香港01》訪問時表示:「今次無喇,上次我哋都諗咗20集,而一個人名能夠改到20個已經幾盡,再出嗰啲出唔到街嘅當然都有好多,但唔能夠出街嘛。同埋今次節目形式,之前剩係食嘢,今次多咗好多旅遊資訊,都好有趣。」

大家期唔期待?(陳順禎攝)

面對Do姐,農夫兩個人成日都會成為被鬧的對象,當然他們也會對Do姐還擊,改花名已經是一個好大的整蠱,今次又有無新橋整蠱Do姐呢?他們搞笑地表示:「點會我哋整蠱佢呢?真係覺得好兩極,有時係我哋整蠱Do姐,有時就會講到Do姐殘虐我哋,好似虐兒咁。其實唔係嘅,大家都喺一個適當嘅位置,我哋要整蠱Do姐都整唔到喇,佢百毒不侵。同埋佢鬧我哋開始愈來愈尖銳,比以前更難聽,哈哈!」話說農夫當日有套制服,望落十分像自家設計,全因手袖上印有「Fama」,不過他們表示是公司設計,還大讚公司十分有趣。

套衫都幾靚。(陳順禎攝)

【任噏亂評.雜警奇兵】TVB搵農夫擔正拍劇 絕對係三贏局面

農夫Hip-Hop歌唔只數白欖咁簡單 歌詞有共鳴入屋過MC Jin!

至於拍劇方面,農夫從來沒有一起合作拍劇,他們透露這是監製的決定,不過自己都十分認同這個做法,他們說:「因為一搵兩個一齊,就係搵我哋做農夫,一係就兩兄弟,永遠都做唔到戲。電影都係咁,就算我哋自己度都會將自己當一個組合去做,唔會係一個做主角,一個做大反派。就算我兩個認真的鬧交,啲人咪又係覺得我哋好笑。」除了影視方面,上年農夫開演唱會反應都十分之好,究竟今年會否乘勢又開?他們指:「喪心病狂喇,但其實好多人問過我哋,不過我哋做完上年6場,都要抖一抖先,再諗一諗。」希望農夫快啲再開騷喇!

上年演唱會反應十分好。(資料圖片)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。