陳奕迅夫妻遊日慶生 王菲謝霆鋒合體齊唱K賀壽 

撰文:
最後更新日期:

好耐無見過霆鋒笑得咁開懷。

謝霆鋒與王菲復合4年,一向都愛得低調,除了被人影到,從來都不會主動曬愛,不過二人近日陪陳奕迅夫婦去日本度假,提前同徐濠縈慶生,一行人去咗唱K,阿徐拍低老公同老死唱K過程,謝霆鋒同王菲同框之餘,仲有天后歌王合唱。

陳奕迅(Eason)同王菲一齊合唱«因為愛情»,Eason很casual地坐著唱,而阿菲則站在台上,配合返佢嘅天后風範,一班同行友人可以咁近距離聽兩位唱歌,真係有錢都買唔到呢啲機會。

陳奕迅同王菲去K房合唱佢哋嘅合唱歌《因為愛情》。

以為歌手會唱厭自己啲歌,估唔到佢哋去到K房都仲會點返自己嘅歌,除咗Eason阿菲唱返佢哋合唱嘅«因為愛情»,霆鋒亦點咗自己翻唱過英文歌«Better Man»,而Eason都有唱返霆鋒嘅« 因為愛所以愛»,霆鋒坐喺Eason隔離,笑得非常開懷,難得一見霆鋒笑得咁無負擔!

王菲加謝霆鋒加陳奕迅,呢個組合,依家就算內地再有錢嘅電視台都請唔郁,但佢哋竟然私底下輕輕鬆鬆就湊埋一齊唱K,成件事真係好夢幻!

阿菲企喺台上唱歌,配合返佢嘅天后風範。

一行人去日本,順便同徐濠縈提前慶祝生日。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。