【BB來了】高海寧生B起碼兩個：有兄弟姊妹比任何嘢更加重要
撰文：張嘉敏
出版：更新：
高ling話將來一定要生兩個小朋友。（張嘉敏攝）
高海寧 (高ling) 一向都好鍾意小朋友，最近拍無綫新劇《BB來了》仲一嘗做孕媽咪的滋味，令她都有衝動想快些生B做媽咪。在該劇煞科宴上，劇中的BB小演員都有出席，高ling亦都趁機跟他們玩。套劇咁多BB，高ling一定拍得好開心啦，不過她說：「今次我唔需要同BB演對手戲，好可惜呀。」其實同BB演對手戲都唔容易㗎。
高ling自言對付BB有一手：「我本身都好鍾意BB，識得點同佢哋相處，自己有兩個細佬細一個細我7年，一個細我10年，有幫手照顧佢哋。點樣氹睇BB都要睇返個BB嘅喜好。」她咁鍾意BB，將來結婚後當然都一定要生B：「最好生兩個，起碼要生兩個，我覺得有兄弟姊妹畀任何嘢更重要，當父母離開咗，都仲有兄弟姊妹可以依靠，我同細佬感情都好好，關係好close。（生兩個唔夠？）生住兩個先，養小朋友好貴，同埋都要睇下我有無體力照顧佢哋。」
高ling今次同BB無對手戲。（張嘉敏攝）