【BB來了】黎諾懿同李佳芯完成不可能任務 首次合作即成為好友

撰文:
最後更新日期:

黎諾懿話人哋嘅BB好難搞。(張嘉敏攝)

黎諾懿擔正男一的無綫新劇《BB來了》舉行收工飯,劇中一眾演員包括一班BB同小朋友都有出席。做了爸爸的諾懿雖有平日有應付仔仔小春雞的經驗,但當他對住劇中的BB也並非得心應手,要同BB演對手戲充滿難度。他說:「唔同自己個BB,人哋嘅小朋友好難搞,因為佢哋會驚陌生人,會扭計要爹地媽咪。今次我同Ali (李佳芯) 要5個BB做對手戲,簡直係完成咗一個不可能嘅任務。我哋每日都同時間競賽,BB每日只可以拍4個鐘戲,但扣除佢哋扭計食奶換片嗰啲時間,實質拍攝時間得返15分鐘左右。」

他又話唯一美中不足要用假BB拍攝:「拍攝時間咁長,唔可以糟質啲BB,我哋已經用咗5個BB分成長階段拍,等佢哋無咁辛苦。」今次是他和首次合作,兩人更成為了好朋友:「無諗過可以變得咁熟,大家無所不談,做咗好朋友係bonus。」除了BB,他還要同兩隻狼狗做對手戲,笑言:「導演將啲最難嘅對手畀晒我,令我又愛又恨。」一直想追個豬女的他表示年尾就會同老婆開工造人。

黎諾懿有晒計劃追個豬女。(張嘉敏攝)

黎諾懿同李佳芯一劇便成為好友。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。