【早霸王】西瓜離職轉做ViuTV節目主持 「我都想喺商台做到老」
撰文：林迅景
出版：更新：
其實呢個真係早霸王黃金組合，冇咗西瓜真係有少少可惜。（Instagram圖片）
《早霸王》的西瓜（李澄）早前辭職離開已經工作8年的商台。雖然聽眾們都在猜想西瓜的離去是否因為森美欺負，不過其後西瓜接受《香港01》電話訪問，表示「被森美欺負」其實只屬節目效果。今日（3月2日）西瓜與妹妹「野人」李怡出席化妝品活動時，亦都接受《香港01》訪問時說：「我暫時唔會考慮開mic，如果我有嘢講嘅話，我可能會考慮喺自己嘅社交平台講。」咁以後咪聽唔到西瓜開咪囉？
西瓜同野人出席化妝品活動。（林迅景攝）
西瓜接受《香港01》訪問時解釋了離開商台的原因：「因為我都差唔多做咗8年時間，商台真係一個樹大好遮蔭嘅好地方，我都學咗好多嘢。但係我睇到嘅係，會唔會有機會喺出面涉獵下不同嘅地方呢？希望唔好令自己好似有個保護網咁，『做住先啦』呢種感覺。（係咪唔想同一份工做到老？）其實可以做到老係一個恩賜，咁多人肯聽到你老，完全唔俾人踢走其實係一件好難得嘅事。如果可以我都想做到老，但係我會諗係咪淨係想做呢樣嘢。」
西瓜嚟緊工作主要係配音、主持節目同埋出event。（林迅景攝）
不過西瓜的粉絲又確實不需要擔心，因為西瓜也透露了來年將會主持節目，聽到把聲之餘，仲可以睇埋真人添。西瓜：「當然可以重溫返商業電台嘅節目啦。將來我都會主持電視節目嘅，嚟緊都會喺ViuTV有一個講關於貓嘅節目，年中嘅時候就會播，嚟緊我都會去台灣拍攝。呢個節目係會俾『貓奴』睇，我哋都知道喺台灣有好多貓明星，同埋會講下關於貓嘅保育、收容所，同埋都會去睇下個貓村。之後節目仲會返香港講一啲關於貓知識，亦都會有貓主持一齊做個節目，所以都係一個好全面關懷育貓嘅節目。」
+3