【不顧形象】鄧麗欣自創搞笑開心舞 尼泊爾探訪教打排球
撰文：冼燕珊
出版：更新：
一向樂善好施的鄧麗欣（Stephy），前排去咗尼泊爾探訪當地兒童，佢日前於Instagram上載咗一條短片，內容係佢同一班同行朋友六齊齊跳自創開心舞，Stephy寫道：「想了很久，真的忍不住要post，去尼泊爾🇳🇵的時候為了想帶給大家更多歡樂，我們創造了開心舞。跟著我們跳起來！把煩惱障礙通通踢走。」
Stephy與友人自創的「開心舞」舞步非常搞笑，片中嘅佢完全不顧形象，揈頭扭腰，雖然傻更更咁，但非常可愛，而佢哋嘅出發點係希望為大家帶來歡樂，大家跟著跳將煩惱踢走！
Stephy早前去尼泊爾探訪當地兒童，開心打成一片。(IG圖片)
今次Stephy去到尼泊爾探訪兒童，為佢哋帶來好多歡樂，教佢跳自創嘅「開心舞」，同佢哋一齊吹泡泡，當然唔少得嘅係教佢哋打佢最擅長嘅排球。Stephy仲有親自用原始柴炭煮食。
不過除了開心事之外，是次探訪亦有令Stephy傷感的故事，佢喺IG提到佢探訪過曾被販賣做奴隸的女孩，佢寫道：「她們沒有了童年該有的生活，沒有家人在身邊甚至不知道有沒有機會回家，那種感受，應該非常害怕與痛苦⋯這次旅程，讓我感受很深，也認識多了關於發展中國家因為貧困與低知識水平引致的不平等、販賣人口等問題。日後希望我能將更多訊息帶給大家，讓大家了解更多，幫助她們逃出困境！」
Stephy難忘探訪尼泊爾經歷，希望大家助當地人走出困境。(IG圖片)
+1