林欣彤推出新歌《忍》 大談戀愛經歷:每次際遇都好恐怖

撰文:
最後更新日期:

於電台節目自爆曾做身第三者後,林欣彤接受《香港01》訪問時,就只肯透露對方係圈外人,並表示「已經唔記得係幾耐前發生。」(資料圖片)

林欣彤(Mag)去年簽約王祖藍公司旗下,令其事業得到重新出發,早前翻唱Dear Jane的《哪裡只得我共你》更獲得唔少網民讚賞點擊數爆燈,Mag食住個勢推出新歌《忍》,更找來大師級填詞人林夕操刀。昨晚到商台節目《聖艾粒忌廉夜校》宣傳新歌時,她就自爆曾經做過第三者,而當時更試過大膽致電正印叫對方搞清楚。

退出三角關係之後,林欣彤話前男友都有同佢道歉。(資料圖片)

對方唔認有女友

節目一開始,林欣彤就以「戀愛大過天」形容自己,但她亦直言每次的際遇都好恐怖。「有次去唱K之後,返到屋企發現唔見咗條圍巾,與此同時收到個WhatsApp,內容大概係話佢係邊,然後就話執到我條圍巾。」Mag指A君只在K局上見過面,亦不解對方如何取得其手機號碼。「佢之後拎條圍巾去我屋企,仲要乾洗埋,我覺得唔好意思所以就請佢食飯。」

Mag見A君十分照顧家人,又同自己傾得埋,於是決定與對方發展感情。「有日陪佢睇車,在馬路上撞到一個共同(女性)朋友,我當時仲好開心咁同對方打招呼,之後收到該名女性朋友的WhatsApp,內容係同我傾訴愛情煩惱,但我發現佢嘅對象原來就係A君。」Mag即時向男友問罪,對方先是否認,其後才承認曾與該女性朋友拍拖,並提出過分手,唯對方一直拒絕。「佢係咁話個女仔纏住自己,又話佢好癲。」

林欣彤早前於新歌《忍》拍攝MV中飾演第三者,在街頭失聲痛哭一幕十分投入,原來係有所經歷所以咁入戲。

三角關係好痛苦

對男友深信不疑的Mag更為此致電該女性朋友,叫對方搞清楚。「但我後來發現原來佢哋有一齊出街,而A君亦講咗好多大話,當時因為太鍾意呢個男仔,所以成日鬧交,真係好痛苦。」Mag指這段三角關係大概維持了兩三個月,最後因為太痛苦而決定退出。對於無辜成為第三者,Mag表示十分無耐,更指將來一定帶眼識人。
 

林欣彤因《巨聲》而認識羅孝勇,雖然多次被影到出雙入對,唯死口唔認拍拖,直到分手後各自有新歡才承認曾經拍過拖。(影片截圖)

情路坎坷

林欣彤出道初期,曾與羅孝勇拍拖三年,唯分手後才承認該段戀情,之後Mag與初戀男友Ben愛火重燃,惜多次遭對方暴力對待,最終分手收場。2016年時,Mag曾被影到與補習天王David Chiu(趙永康)於街頭甜蜜親熱,而當時趙永康隨即被爆曾與前港姐張舒雅、歌手AGA拍拖之餘,亦追求過G.E.M。Mag事後接受電話訪問時,只肯透露A君是圈外人,但對該段感情就以「唔記得係幾耐之前發生」回應,看來趙永康的嫌疑也不少。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。