《偶像練習生》范丞丞唱Block B名曲 Jackson王嘉爾被嚇親？
昨晚又播出新一集《偶像練習生》，一眾練習生就分到不同範疇如Vocal、Rap、跳健等，除咗要跟其他同類組別競爭之外，仲要同組內隊員爭第一，變成亦敵亦友嘅關係，不過睇足成集，一眾練習生都已經拋開排名嘅憂慮，落力幫助身邊嘅隊員，務求呈現出最好嘅舞台畀全民製作人。
昨日第7集《偶像練習生》就已經公佈咗組別排名，當中Rap組嘅競爭都非常激烈，蔡徐坤、黃明昊（Justin）聯手表演GOT7王嘉爾（Jackson）嘅《Papillon》、喺《偶像練習生》當中，兩人人氣一直排喺上圍圈，最終Justin黃明昊擊敗蔡徐坤獲得組內第一名喜獲額外獎賞5萬票，而表演韓國男團Block B《Very Good》嘅范丞丞，就以368票力壓Rap組練習生，成為Rap組第一取得5萬票之餘，另外更獲得額外下先萬票獎賞。
其實曾經參加過《Produce 101》Season 2嘅黃明昊（Justin）一路走嚟都好唔容易，佢透露一直以嚟都未做過Centre，一同競爭Centre嘅隊員王子異讓畀Justin時，雖然開心，但又未敢露出興奮之情。事後Justin接受訪問時表示就係好奇怪，但又帶住莫明嘅開心，就好似細個收利是咁，大人畀利是自己，好想要但又礙於要睇自己爸媽嘅面色又唔敢收嘅感覺，驚畀人鬧所以好糾結。不過Justin就係得到今次Centre，令佢可以贏到組內第一，排係Rap組第3名。
而Jackson喺練習過程時就教導本人solo歌曲《Papillon》組嘅蔡徐坤、Justin、卜凡以及王子異喺練習嘅時候要當係喺現場一樣，要吸引台下嘅觀眾。而Jackson就大讚原先排名第一嘅蔡徐坤，表明鍾意佢嘅Rap。Jackson其後又大讚王子異嘅詞寫得好好，仲嚇咗佢一大跳，而且又Rap得好、唱得好，仲起埋雞皮添！唔知遲啲有無機會可以見到Jackson同蔡徐坤、Justin、卜凡、王子異一齊合作表演《Papillon》呢？
《偶像練習生》Jackson王嘉爾@GOT7 以前輩身份傳授偶像秘訣
下載《香港01》App，更多韓星靚相、影片率先睇！
我們01韓迷的facebook專頁Kpop 01已經開始喇！
想知道更多韓國娛樂、飲食、玩樂、時尚資訊，快點去給like吧：https://www.facebook.com/hk01.kpop/