【3日2夜】李旻芳主持惹負評 意見全收:節目前提自己唔好咁興奮

撰文:
最後更新日期:

《3日2夜》一直都是TVB其中一個王牌旅遊節目,睇風景之餘又可以睇靚女,不少網民更非常有恆心地密密cap圖。雖然集集主持都受到網民追捧,不過去年《3日2夜》日本篇的李旻芳就罕有地被網友負評。

李旻芳出席美容公司「美莊園」活動。(梁碧玲攝)

李旻芳出席美容院代言活動時,就透露了自己將有機會於下一季《3日2夜》登場。「下一輯《3日2夜》有機會派我去泰國。不過就仲傾緊時間同日子就唔就到,因為最近仲忙緊《生活100趣》。」關於網民的負評,李旻芳就話有睇過之前篇報導和看畢網民評語。李旻芳解釋:「我自己後尾聽返,其實我都有啲覺。因為我一開心嘅時候就會好高音,個表情又會誇張。我個人又會容易high嘅,哈哈。high咗之後就會控制唔到自己囉。」

李旻芳透露今次接拍呢輯性感相,係經朋友介紹。(梁碧玲攝)

李旻芳:「我之後出鏡或者做節目,都會刻意將自己把聲調返低,唔好咁興𡚒。希望唔會咁刺耳囉。其實每次roll機之前,我都會同自己講一次:講嘢唔好咁高音。同埋我都有請教過旦哥(鄭丹瑞)同埋六號(陸浩明)佢哋點樣練自己把聲。不過全部都係答我:你有經驗就得。」睇嚟網民聲音真係傳到俾李旻芳喎。而佢又係會改善,李旻芳仲話希望各位多啲提點佢添。

李旻芳表示自己唔介意性感,最緊要靚,仲話唔介意半裸添。(梁碧玲攝)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。