蔡少芬20歲空氣瀏海靚到暈 受熱捧Ada親回:我是 美~女~芬!

撰文:洪曉璇
出版:更新:

早前蔡少芬上載多張攝於1993年,20歲時嘅一批劇照,無添加淡妝Baby Fat,加上空氣瀏海令人驚艷,唔少網友讚嘆Ada當年真係靚得誇張。大家一面倒讚嘆幾咁靚,但Ada居然表現得相當無奈,呢日留言話:「可那個時期卻沒人說我美!現在這個時期好多人說我不夠從前美……」

空氣瀏海加上全天然美貌,20歲嘅蔡少芬真係靚到不得了﹗(蔡少芬Facebook)

蔡少芬放返20歲時啲相上網 網民驚呼:佢個空氣瀏海靚過晒啲韓星

1991年當時只得17歲嘅蔡少芬參加香港小姐,以大熱姿態奪得季軍入行,馬上受TVB力捧。1993年Ada一年內有5部劇集播出,其中四部《魔刀俠情》、《如來神掌再戰江湖》、《金牙大狀》及《馬場大亨》擔正第一或第二女主角,而劇集《天倫》雖然只係客串,但首度挑戰壞女人角色而獲得好評。

呢個眼神點受得住呀。(蔡少芬Facebook)

對於20歲時嘅舊照掀起熱話,Ada貼出自己嘅舊照以及近照留言話:「最近好多人說那個時期的我好美...可那個時期卻沒人說我美!現在這個時期好多人說我不夠從前美...但我信再往後十幾年,又會說這個時期的我好美!我只想說~不管什麼時期的我!我都是我 美~女~芬!」

當年無人讚蔡少芬靚﹗唔係掛。(微博截圖)

自信十足嘅Ada無幾耐之後,再轉發老公張晉嘅微博,原來張晉影低囡囡畫Ada嘅樣,頭髮飛起晒著住件衣不稱身嘅衫,唔……應該係行抽象派畫風。Ada笑言:「我實在接受不了。。畫得太似我啦!沒有美圖時的我!」

喺囡囡心目中嘅蔡少芬,無論咩外貌都係咁完美啦。(微博截圖)
+1