李佳芯與男友係美女與野獸？ 男友陳炳銓回應：佢似臭豆腐
撰文：林迅景
出版：更新：
Danny 形容李佳芯係鵝肝醬或者臭豆腐。
李佳芯（Ali）現為TVB當紅花旦之一，去年更憑《踩過界》Never一角奪得《星和無綫電視大獎2017》我最愛TVB女主角。李佳芯更一直被網民喻為「最佳女友」，不過她與導演男友陳炳銓（Danny）卻一直不被看好。網上除了揶揄陳炳銓事業上不比李佳芯、要靠Ali接濟過活外，更嘲笑陳炳銓與李佳芯是「野獸與美女」。
網民成日話陳炳銓（Danny）係「野獸」。(陳順禎攝)
陳炳銓今日（3月4日）出席ViuTV的活動時表示：「我個樣算正常啦，某啲位係達標嘅，例如工作同埋娛樂性。（你覺得自己靚唔靚仔？）呢行太多靚仔啦，正常啦，我又未去到靚仔。」陳炳銓也表示有看過「野獸與美女」的報道，不過就不介意。「唔介意，自信心喺自己度嘛。正如乾炒牛河都有人鍾意有人唔鍾意，榴槤都係咁啦，冇準則嘅。」
其實Danny本身都有導演主持嘅工作，都係郞才女貌㗎。(陳順禎攝)
談到他與Ali相戀的經過時，陳炳銓說：「都係傾傾下偈認識，慢慢就一齊咗。我哋有相同興趣。」問到陳炳銓喜歡上李佳芯的甚麼，他就給出了令人意想不到的答案。「呢個就不能太刻意咁講。因為有啲嘢，你鍾意食臭豆腐，點解呢？都冇得講，都係感覺。（即係你意見係：Ali係臭豆腐？）呢個係一個比喻啦，哈哈。不過，鵝肝醬又得。其實點擺都得嘅，我偏向形容佢都係獨立一個人。」明晒！按照陳炳銓講法，「陳炳銓與李佳芯」應該係「榴槤伴鵝肝醬」，又或者「乾炒牛河加臭豆腐」？
佢女朋友佳芯真係好靚。