亞視翻拍《英雄本色》唔搵發哥？ 吳雨話有錢都未必請到陳偉霆
撰文：李妍樺
出版：更新：
亞洲電視總裁吳雨今日（5/3）出席「電視世界2018記者會」，有傳亞視計劃重拍經典電視劇版《英雄本色》，經吳雨Comfirm原來真有其事，佢就話：「劇集會同北京公司合作，依家籌備緊劇本，電影變成電視劇篇幅唔同，投資會好大。」
亞洲電視總裁吳雨今日（5/3）出席「電視世界2018記者會」。（視覺中國）
既然有大陸肯注資，唔通會搵返發哥出山？吳雨就話未必，仲話錢唔係問題：「國內演員好貴，吓吓都要過億，錢解決到唔係乜嘢，最重要係演員檔期。正如我同陳偉霆咁熟，以前問佢乜都拍，而家都要等等，因為佢有太多劇本，怕揀錯。」真係估唔到以前「而我不知道誰是陳偉霆」紅到有錢都未必請到佢，吳雨就打算一係就搵一線星，一係就搵新人搏一搏，聽佢咁講，唔通吳雨出埋人情牌都請唔到陳偉霆？
陳偉霆依家喺大陸紅到發紫。（視覺中國）
+2