【烈火如歌】迪麗熱巴仙氣失效  原因同條眉有關

撰文:
最後更新日期:

劇集未播出前,大家睇到劇照都大讚迪麗熱巴造型夠美艷。

迪麗熱巴同周渝民主演的新劇《烈火如歌》,改編自明曉溪同名小說,由於原著有唔少粉絲,所以早在劇集開拍時,就已經引起不少討論。劇集上星期開播,首集已經有過億點擊,都總算對得起原著。迪麗熱巴於劇中飾演的烈火山莊繼承人,由於個性純良活潑,所以深受愛戴。

劇集播出後,網民係咁攻擊佢條劍眉,不過咁睇又真係幾好笑嘅。

之不過,劇迷就好似唔多認同,因為開播不久,「感覺得罪造型師」、「可以更好看」等留言不停出現在迪麗熱巴身上,原因係出自之前韓劇唔少女主角都會畫的「一字眉」之上,網友指迪麗熱巴的眉畫得又長又直,同把劍無分別,劍眉令其顏值大打折扣,亦係熱巴連日成為微博熱搜……其實網友所指的「美指」,正正就係先後38次入圍金馬「最佳造型設計」、亦角逐過奧斯卡「最佳服裝設計獎」的張叔平,其能力深信都無乜好質疑,而迪麗熱巴亦都話過為烈如歌一角,足足花上5月時間定妝,加上審美觀從來都係主觀出發,劇友都係專心在劇情上吧。

迪麗熱巴被張彬彬拒婚後,情投周渝民,二人有不少溫馨場面,之不過,仔仔日前就話拍攝一場「公主抱」場面之前,用盡了畢生的吃奶力,搞到大家即時諗起熱巴過往有「胖迪」之稱,但仔仔就解釋係因為要連續抱30幾次,所以無晒力。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。