【翻生武林】蕭正楠出浴俾黃翠如笑太肥：playback我都唔敢睇！
撰文：溫菁莉
出版：更新：
俗語有云｢沒有更cult，只有更cult｣，昨晚播出的TVB的新劇《翻身武林》繼去年暑假播出《超時空男臣》又再次做到喇。雖然今次劇集是古裝喜劇，但演員講嘅對白有好多都好貼地，例如有，｢熱烈談地彈琴熱烈地唱｣、｢人生充滿希望，前路由我創｣、｢月黑風高殺人夜｣、｢化悲憤為食量，前途無可限量｣，真係笑到班觀眾｢gap gap聲｣，仲有網友話呢套一定睇2018tvb必睇神劇。蕭正楠接受《香港01》訪問時被問到今次角色都係走唔甩陣｢膠｣味時，佢聞言後就爆笑表示，｢都無咩所謂，draw 觀眾attention，有機會做呢啲角色咪做下，多謝大家賞面，我都求大家笑下。｣
蕭正楠話唔介意做啲比較搞笑嘅角色。
+4
相關文章：
【翻生武林】監製歐耀興對蕭正楠好有信心：佢嘅喜感係佢獨特嘅嘢
就係呢場出浴戲，搞到蕭正楠俾女友黃翠如問點解唔减肥。
蕭正楠指昨天忙住開工，未有時間睇第一集，但女友黃翠如就好捧場有係屋企睇，｢佢問我做咩唔減肥，因為琴日有場我出浴戲，都唔知道點解個陣我咁心廣體胖嘅。睇完呢一幕之後 我會認真去研究下將來拍呢啲出浴戲同露上身嘅戲 以後嘅身型點樣去安排。｣
+1
蕭正楠指劇集由當初25集剪到20集，劇情上會比較密。
我同好多人解釋我為咗呢個角色去增肥，監製無要求嘅，playback個陣我都唔敢睇，會係生活習慣上調整下。提到觀眾指睇完今次套劇，一定會愛上蕭正楠，佢就話，｢其實除咗我之外，我覺得五大派佢地嘅角色大家好落力去令觀眾開心，呢啲係成個teamwork，唔係我一個功勞。｣