薛凱琪分享個人精神勝利法：每個畀你攰嘅機會都係一個恩賜
撰文：冼燕珊
出版：更新：
薛凱琪（Fiona)平日除咗拍電影、拍劇、拍廣告、唱歌，周圍飛去做電影宣傳之餘，仲要營運個人時裝品牌，真係忙到分身不暇，成日喺IG見佢凌晨先收工，但第二朝又好精神咁繼續工作，究竟點做到？阿Fi今日出席護膚品牌活動，同我哋分享咗佢嘅精神勝利法。
薛凱琪工作極度忙碌，經常休息不足，但每次工作又能夠以精神狀態示人，她說有自己一套的「精神勝利法」。（梁碧玲攝）
阿Fi話唔可以帶住你真實嘅好攰嘅心情同體魄去做嘢，因為咁樣無嘢做得好，她話會每次覺得好攰，好想放棄嘅時候，會同自己傾偈，鼓勵自己：「每一個畀你去攰嘅機會都係一個恩賜，可以不停工作喺我呢行嚟講，代表好多人好愛護我，好支持我，畀好多機會我，所以先可以呢度做完活動，去第二度唱歌，然後再去拍戲，所以要感恩，我會同自己講，可以攰都係一份禮物。」
Fiona會同自己講：「每一次攰嘅機會都係一份禮物, 代表人哋愛護我，好支持我， 畀機會我。」(梁碧玲攝)
除咗精神催眠自己，同鼓勵自己，阿Fi話飲食同運動都好重要，可以令自己精神同健康啲：「以前會亂咁食嘢，雖然而家間中都會，但比較會識得保養，我的皮膚底子雖然好，但對塵埃敏感，又或者緊張嘅時候都會出現敏感症狀，塊面會出紅疹，所以外敷要揀適合自己的護膚品，成份要天然，另外就係要做多啲運動，得閒跑吓步，增強抵強力，皮膚會好啲同無咁容易出現敏感症狀。」
+4