64歲型伯鬼塚簽TVB打發時間 拍過五十套戲:有得演出已經開心

撰文:
最後更新日期:

相信觀眾最記得鬼塚嘅一句對白,就係佢喺《江湖最後一個大佬》裡面豪言:「夠薑就一針打X死我,阿叔嚇大嘅,X你老X!」不過呢句對白係由已故配音員林保全聲演。

經常被指冷落綠葉的無綫在月初一口氣羅致鬼塚、莫偉文、羅鴻、區軒瑋和陳富勝五位特約猛將,與他們簽訂部頭合約,令網友既驚且喜。當中最亮相的,必定是曾經在港產片黃金時期拍過五十多套電影的64歲型佬鬼塚,原本是時裝設計師的他就曾經拍過過《四千金》、《江湖最後一個大佬》、《新不了情》、《運財五福星》及《陰陽路》等經典電影!不過,講鬼塚本人之前,都要首先簡單介紹一下到底咩係部頭合約,部頭合約就係合約裡面訂明該藝員每年要拍攝若干數量的劇集,而片酬就按照拍攝劇集集數來計算,與簡稱「特約」、以日薪來計算的特別合約大為不同,確保到藝員有一定的工作量和收入。

無綫一鋪簽入五大綠葉猛將 其中人一更加拍過韓劇

佢喺《江湖最後一個大佬》,畀吳孟達同沈威夾走咗。

講到入行經過,鬼塚坦言胡楓是其伯樂,處男作是對方執導的1979年作品《打藤》:「修哥(胡楓)喺街見到我OK,所以搵我拍戲。(佢搵你之前有冇諗過會入行?)唔會啦,我係一個普通肥仔嚟。(你又應承?)佢挨咗我一陣架,我要返工架嘛!」之後,他的演藝事業暫停了一段時間,到1987年拍攝電影《江湖正將》後才開始密密拍戲,加加埋埋最後拍了五十多套戲。問自覺邊齣戲是其代表作?他直言:「冇,我唔滿意自己演出架,因為以前做生意令我好忙,拍幾個Shot就要走返去公司。」

鬼塚視帶他入行嘅修哥係恩師,識咗成四十年!

至於點解會入無綫,鬼塚笑指自己退休後淨係識玩,所以好想開工打發時間:「有朋友喺無綫做,我就自薦入去,過咗一個星期後,我朋友就話可以客串下,結果就做咗成年幾特約。(又會無啦啦轉做部頭?)公司就過年前同我講,話如果我肯制,就3月1號轉做部頭,我諗都冇諗就承認,有人認同自己喎!」

佢喺《翻生武林》裡面嘅造型。

在無綫拍過《開心速遞》、《兄弟》、《天命》和《是咁的,法宮閣下》等劇集的他就指自己其實加入無綫是求開心:「每一個角色都好好玩,因為用個心去揣摩個角色係好過癮。其實我都係新人嚟,我喺無綫係幼稚園級數,公司話做咩我都做。(想做主角?)唔需要喇!有得演出已經好開心。」

綠葉王鬼塚係傳奇設計師 造衫造到九龍城有成棟樓?

呢張就係佢喺《天命》裡面嘅蒙古人造型。

講型講潮,佢認得第二,應該冇咩人敢認第一,睇圖:



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。