【多圖】疑似林峯新歡被起底 車模張馨月身材惹火SHOW臍環
撰文：洪曉璇
出版：更新：
5年以來林峯吳千語愛得投入，估唔到未能走到最後，圖左為疑似新歡張馨月。（資料圖片）＿
曾經講過「好愛好愛好愛好愛好愛好愛好愛」千語BB嘅林峯，拍拖以來多次結伴外遊，期間多次傳出婚訊，估唔到等唔到七年之癢，峯語5年情就宣告玩完。雖然兩位當事人都未有直接回應分手傳聞，不過雙方都被影到疑似有新歡。繼有傳千語戀上前政協施子清長孫施伯雄，林峯亦被影到同一名長髮少女同遊主題樂園，網友馬上大起底，原來呢名女子叫張馨月，係一名內地車模！
白色三點式真係好蝦人著，張馨月身材咁好自然carry得起。（張馨月微博）
+3
峯語孖住去睇騷，呢個畫面以後應該無咩機會再見。（資料圖片）
林峯同千語2012年拍攝電影《男人如衣服》擦出愛火花，到2013年林峯公開承認戀情，高呼「七愛」千語BB。5年過去戀情疑似因為聚少離多而變淡，最近仲傳出幾個月前已經分手。3日前有網友爆料，見到林峯同父母，以及一名貌似吳千語嘅長腿索女同遊主題樂園，記者上前訪問時即相當避忌分頭上車離開。不過神通廣大嘅網友們憑住索女手上嘅手機殼就搵出呢位女士應該就係內地車模張馨月。
被影到同林峯同遊主題樂園後，張馨月被迅速起底，同千語的確有幾分相似。（張馨月IG）
就係憑住呢個手機殼，令網友搵到張馨月。（張馨月IG）
張馨月似乎相當喜歡香港，曾經多次上載喺香港影嘅相。（張馨月IG）
睇返車模網站中嘅資料，張馨月現年28歲高173CM，住喺上海曾經參加過2010年全國時尚內衣模特大賽得到亞軍，去年11月出席廣州車展擔任模特兒。睇返新歡舊愛各項特點，林峯睇嚟對呢類女仔特別有興趣：同為Model，千語同張馨月都係面尖尖眼大大身形高䠷，連英文名發音都幾乎一樣，千語叫Karena，張馨月叫Carina，唔通呢個名對林峯嚟講有特別意義？
車模網站上有大量張馨月資料及相片。（網上截圖）
共通點有好多，不過最有分別嘅應該係身材啦，千語出名係紙板人非常廋削，張馨月身材就惹火得多，毫不吝嗇大show美好Body，幾乎張張全身照都騷長腿，不時有低胸便服/晚裝照，穿咗靚靚臍環都特別騷纖腰俾大家睇，出遊著三點式亦當然要放上網呃Like！2月份張馨月已經人在香港，多次上載靚相到IG，又去赤柱又食街頭小食，唔知林峯除咗陪去主題公園，有無盡地主之誼擔任導遊呢？
臍環咁靚又可以順便show出小蠻腰，呢張相真係不得了。（張馨月IG）
+13