【流氓大亨】萬梓良失控真打吳啟華 個種真實感真係拍唔到
撰文：黃梓恒
出版：更新：
《流氓大亨》今晚將會播出第20集，仲有10集就會播畢，之後會推出《刑事偵緝檔案》，吸引力就未必有咁大。《流氓大亨》最經典的場面有兩個，其中一個今晚就會出現，所以大家一定要開住電視等睇表演。
你睇佢個樣幾勁。（資料圖片）
講緊嘅就係萬梓良怒打吳啟華一幕，話說吳啟華飾演的鍾偉舜謀殺親父後，在法庭上卻被判無罪釋放，在庭上更加爆出他如何玩弄方學寧（周海媚飾）的感情。在踏出法庭後，作為他失散多年的哥哥，萬梓良終於忍不住，在街上直接拎起個垃圾桶向吳啟華掉過去，繼而衝上前揍他一頓。
剩係睇連環圖都覺得好激！
+19
【流氓大亨】萬梓良霸氣個性寫血衣投訴TVB 結婚仲有星爺做伴郎
當年神劇好值得睇！（資料圖片）
根據當年報道，今次萬梓良是真真正正打落吳啟華身上，而吳啟華事前是不知情的，因為大家都以為只是借位輕打，但萬梓良為求迫真竟然真打起上來。事後吳啟華當然嬲到震，搞到萬梓良要送名錶道歉先能平息事件。
萬子出名做戲認真。（資料圖片）