《Think Big天地》個個都做唔長? 前主持黃愷怡話你知原因

撰文:
最後更新日期:

黃愷怡同你講返點解新一代兒童節目《Think Big天地》成日有人走。(網上圖片)

象徵住一個時代嘅譚玉瑛四年前離開《放學ICU》後冇耐,無綫就決心改革兒童節目,到2015年初更大換血,以余德丞、林希靈、黃愷怡同黃碧蓮(之後李雯希同阮浩棕亦相繼加入)等新人擔任最新一代兒童節目《Think Big天地》主持。不過,眨下眼做咗三年幾嘅「Linna姐姐」黃碧蓮最近便正式畢業,令一班小朋友非常唔捨得,但其實佢嘅好拍檔余德丞、林希靈同黃愷怡亦喺大半年前一齊跳出兒童節目另覓發展。

Jasmin大半年前同余德丞、林希靈離開咗《Think Big天地》,最近輪到黃碧蓮都走埋。(網上圖片)

點解班主持做夠兩三年就走,唔似得譚玉瑛、蓋世寶咁做咁耐時間?因為無綫其實是想將《Think Big天地》打造成無綫嘅「少林寺」,等一班新血可以參與幕前工作外,亦嘗試度橋寫稿、錄VO等幕後工作,有咗一定經驗後再轉到其他工作崗位,最後成為瓣瓣掂嘅全能藝人。其中一位「元祖」黃愷怡(Jasmin)受訪時謂:「公司原意都唔想你留太耐,做兩三年就畢業試其他節目。」

Jasmin喺《Think Big天地》時,台前幕後嘅嘢都要涉獵,呢兩年幾磨鍊到佢周身刀張張利。(網上圖片)

Jasmin表示起初沒有想過自己會加入《Think Big天地》這個大家庭:「大學畢業就入咗無綫,咩都想試。雖然兒童節目係公司安排,但好開心可以喺度發揮,因為好多嘢都有份參與,做嘅嘢都涉及主持同Drama。(走時好唔捨得?)即使兩年時間話長唔長話短唔短,但其實呢段時間真係每星期返足六日工,同一班主持、Crew同Writer都朝夕相對、好有感情。(仲有冇小朋友認得你?)平時出街都仲有小朋友認得,但係冇做《Think Big》之前咁多,都會搵我影下相嘅。」

Jasmin話自己好好彩,即使跳咗出嚟都仲有小朋友認得佢。(網上圖片)

跳出兒童節目後,Jasmin便加入娛樂新聞台,最近更參與節目《深夜美食團》的拍攝:「同以前真係好唔同,唔似兒童節目咁正路,要求嘅嘢都唔同。(跳出嚟時有冇擔心過?)又唔算擔心,因為畀人定位都唔係好事,但真係有諗清楚之後條路點行,了解返自己係一個點嘅人。(余德丞比你行得更前,有冇羨慕、妒忌?)唔可以咁比較,離開《Think Big》只係一個起點。我好戥佢開心,自從《誇世代》後多咗人識,佢係我哋榜樣,等我哋知道只要努力就可以上到去。」

最近Jasmin就參與咗飲食節目《深夜美食團》,成為其中一個主持。(網上圖片)

其實除咗加入《深夜美食團》外,佢都成日做大小活動嘅司儀:

+8
+7
+6


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。