陳偉霆霸氣做《熱血街舞團》導師：街舞是我堅定不移的初心

不知道是否受韓國節目影響，近年內地愈來愈多比賽真人騷，有野外求生、競技比賽、烹飪、或運動等類型。去年大受歡迎的《中國有嘻哈》最近就再次打造街舞比賽真人騷叫《熱血街舞團》，早前亦公佈了演出陣容包括有陳偉霆、鹿晗、宋茜以及王嘉爾。近日節目組就指節目將於今個星期六（17日）播出並公開了陳偉霆的個人預告片，而片中他的主題就是「山」，是指他對街舞的堅守，是他的本命，更也是他堅定不移的初心，聽到呢度都覺得成個人好熱血。

而另外一條預告片中，就見到William對於參賽者都相當嚴謹，個樣仲好兇狠咁講：「我要的是精神，不行也得行！」真係少啲霸氣都做唔到！William在內地有幾紅真的不用多說，相信到時節目一定爆紅！

William亦在微博亦上載了新造型，一向都好潮嘅佢，就染上一頭粉紅色髮色，有網友就話造型似足韓國天團BIGBANG隊長G-Dragon6年前的髮型！但點都好喇，粉絲鍾意咪得，有粉絲見到偶像呢個新髮型就話自己個心同髮色一樣，充滿著粉紅色泡泡。