傳《美女廚房》翻拍救收視 當年節目一線花旦齊集卡士大

撰文:
最後更新日期:

當本身用嚟攝期嘅處境劇《開心速遞》收視都可以贏到黃金時段嘅劇集,就知大台開始衰落,但可惜大陸人仔相當誘人,個個北上搵銀,喺蜀中無大將嘅情況之下,大台開始技窮,將僅餘嘅皇牌藝人同節目翻炒,好似Do姐同農夫呢個組合老是常出現,而《流行經典50年》Loop到連容祖兒都上埋去當經典唱medley,之後連JW、坤哥、糖妹都可以上節目,《流行經典》已經唔再經典喇。

《美女廚房》真係好經典,仲有嗰句「美女廚房,食咗先講」。(視覺中國)

+5
+4
+3

星期六日收視插水,有傳大台打算翻兜9年前嘅皇牌節目《美女廚房》,當年集集都好有號召力叫咗好多女星上嚟煮嘢食,上至大台所有一星花旦,好似郭羨妮、廖碧兒、胡杏兒、楊怡、蘇玉華、蔡少芬,下至一班𡃁模賈曉晨、周秀娜等等,真係集集睇星都夠撐起個節目,所以當時收視真係驚為天人。聽聞節目將個改名出街,而監製都由錢國偉改做「錢國偉徒弟」陳旭亮,大家就拭目以待啦。

佘詩曼長髮look真係好正!(視覺中國)

+3
+2

講起《美女廚房》,唔止係收視巴閉,就連節目內容都相當大膽踩界,夠膽搵楊千嬅上節目,同做主持嘅舊愛鄭中基同檯,個畫面尷尬到不得了。又敢叫埋Stephy同小方同框,隔壁做兄弟嘅梁漢文同鄭中基因為Stephy係阿嫂,未食都要畀滿分佢,真係往事只能回味。仲有好多經典畫面,好似阿佘當年長髮Look真係超Gfable,估唔到佢唔單止做戲叻,煮餸都好犀利;仲有9年前阿G.E.M仲未開始入魔著皮褲,18歲清純樣真係不得了,即刻想一次過睇返之前嘅《美女廚房》回味一下。

阿G.E.M唔著皮褲好好多。(視覺中國)

+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。