【最佳老公】周杰倫婚後變寵妻暖男 昆凌透露貼心舉動好溫馨
撰文：洪曉璇
出版：更新：
周杰倫婚後寵妻無極限，被封最佳老公。（周杰倫Facebook）
「王子同公主從此以後幸福快樂咁生活落去……」童話故事中永遠去到呢個位就結束，但婚姻生活中無限瑣碎事，先真正挑戰兩個人嘅感情。周杰倫自從遇上昆凌後，由放蕩不羈180度改變成為暖男，簡直係絕世好男人一樣。外界將一切歸功於昆凌，不過周太最近接受訪問時就話自己其實好任性，仲話：「遇到周杰倫是遇到soulmate（靈魂伴侶）」。
婚後周杰倫三不五時就上網放閃，同昆凌打情罵俏真係曬到呢……（周杰倫IG）
昆凌同周杰倫結婚3年，已經湊成一個好字育有一子一女。周董一改感情事低調處理風格，不時喺網上放閃，同老婆打情罵俏。私下亦不時被影到兩公婆出雙入對，好似早前昆凌到維也納錄影節目，周董全程做跟得老公貼身照顧，有個咁好嘅老公真係恨死一眾女士啦。
碟上寫嘅「Jay Love Hana」，充分表現出周杰倫對老婆嘅愛意。（周杰倫Facebook）
雖然已經係兩子之母，但昆凌只得24歲，佢亦自嘲自己其實好任性，嬲嘅時候會黑面唔講嘢，估唔到仲遺傳俾囡囡：「也遺傳到我的任性啦，我媽都會說你的報應來了，哈哈哈。」被問人生如何遇到這樣一位伴侶？她說：「是在相處過程中，慢慢發現對方的『soul mate』。」提到結婚以嚟，周董做過最令佢感動嘅事，原來正正係生BB嘅時候，昆凌回憶起時都面露甜笑：「他躺在產房裏旁邊的一個小板凳（把椅子）拉成床，那畫面我還蠻感動的。」
為咗陪住昆凌坐月，周杰倫連金曲獎頒獎禮都選擇缺席。（周杰倫Facebook）
+7