蕭定一搞HMVOD播過時綜藝節目 最吸引高清版《英雄本色》任睇
撰文：鄺鈺瑩
出版：更新：
雖然YouTube都搵得到full verson《英雄本色》，但大多為國語版本。（影片截圖）
OTT成為全球影視大勢，由Netflix、Viu、到「大台」myTV Super，甚至連永恆的亞視都話要分一杯羹，而蕭定一旗下嘅HMV數碼中國集團，前年斥資4,650萬元收購本地影視點播平台Anyplex，將其改頭換面後成為HMVOD，上架1年，近日除推出自家製劇集《向西聞記》，又與愛奇藝合作。之不過，在綜藝方面，暫時就只係見到由小S主持的《姐姐好餓》無字幕版本，真人騷系列，亦都係只得喜投資的《喜樂無窮塞班島》，都幾唔吸引。
除《英雄本色》外，星爺周星馳嘅《百變星君》亦係免費收看。
之但係，睇埋電影系列，以免費區來說，單係吳宇森的經典作《英雄本色》1至3集就已經開心，有周潤發、狄龍、張國榮呢個可一不可再的陣容，而且3集都提供了高清版！唔知之後會唔會有埋死劣評如潮嘅《英雄本色2018》呢？之不過，要喺HMVOD內搵好嘢，可能要畀少少耐性，因為除咗會彈apps之外，亦會出現慢半拍的情況，幸好播放時都叫暢順。