容祖兒首回應同劉浩龍手已分傳聞 避談兩人咩關係：無嘢好形容
撰文：張嘉敏
出版：更新：
香港樂壇天后容祖兒 (Joey) 與劉浩龍 (師兄) 相愛5年，早前更曾一度傳出婚訊，不過昨日 (3月13日) 卻突然有報道驚傳兩人原來已經分手。有指Joey於今年年初到多個地方旅行時，都不見師兄同行，加上她又避談情人節怎樣慶祝，當時已傳出兩人分手，惹來外界猜測。有傳兩人始終不敵身份懸殊而漸行漸遠，另外Joey想多些時間照顧健康不佳的母親，師兄亦想專注將於4月舉行的演唱會，兩人深思熟慮並經商量後協議和平分手。今次分訊傳出後，兩人均透過公司表示不回應私人事。
容祖兒表明唔回應同劉浩龍係咪已經分手。（梁碧玲攝）
這夜Joey出席品牌活動時，心情看來相當不俗，容光煥發，不時展露出燦爛笑容，她當然會被問及和師兄分手的傳聞。對此Joey明顯有備而來，一臉從容地說：「其實我依家都好少睇呢啲八卦新聞，唔會畀啲報道影響到，基本上近年都好少睇呢啲報道。（知唔知點解會有啲咁嘅傳聞？）umm...我諗最近無咩新聞卦，各有各猜測，自己唔習慣公開分享咁多感情事，所以我選擇唔講咁多喇。」始終未有正面回應與師兄到底是否已分手。
Joey自言不會受分手傳聞的報道影響。（梁碧玲攝）
而問到Joey怎樣形容現在與師兄的關係，她繼續帶大家遊花園說：「無嘢好形容，一切順其自然啦。（有指係你想幫佢宣傳個唱？）唉，作為2018年嘅年青人，唔做咁老土嘅事㗎，我唔會囉。佢自己都好努力去準備今次個演唱會。」提到她曾經表示想40歲前結婚，Joey即表示：「我仲係有排㗎，有排未到呢個數字，掌咀呀，唔使同我擔心住。」
Joey話自己有排都未40歲，唔急住要結婚。（梁碧玲攝）
+6