黃翠如洪永城由有線年代開始，已經係公認嘅旅遊節目最佳拍檔，大家就係鍾意佢地將私下最真嘅相處一面，於節目中毫不掩飾咁表露出嚟，睇節目都特別有共鳴，好似勾起同朋友出遊嘅回憶一樣。不經不覺原來佢地已經相識十年，仲分別喺網上真情剖白呢段友誼。洪永城話：「有啲嘢會變，有啲嘢永遠都唔會變，呢一種關係好值得珍惜。」

之前曾經有篇網絡潮文，《我諗每個男人心裡面都有一個黃翠如》，雖然現實生活中黃翠如同蕭正楠先係一對，但佢同洪永城嘅默契，應該係無人可以取代。最近佢哋孖住去到日本，網友都相當期待佢哋係咪合體拍旅遊節目。結果揭曉啦，原來係為廣告商出埠拍短片先至真。

不經不覺原來佢哋已經相識十年，短片中佢哋被問到十年前後對方有咩改變，黃翠如話：「10年前嘅洪永城，係披住豬皮嘅熊；10年後嘅洪永城，披住熊皮嘅豬；再10年之後，披住豬皮嘅豬。」洪永城就反擊：「黃翠如最值得我欣賞嘅地方，就是冇嘢值得我欣賞。無才便是德！」真正嘅朋友先會點講都唔會嬲。

兩個人亦分別於網上剖白呢段友誼。洪永城感性地留言表示：「同呢位女子原來已經相識10年，有啲嘢會變，有啲嘢永遠都唔會變，冇變嘅係我哋難得嘅工作默契同友誼，呢一種關係好值得珍惜，點都要慶祝吓啦。」

至於黃翠如亦話：「呢位男子佢係對我最惡的朋友。」他說：「你身邊的人，包括你男朋友，都太錫你，所以我要對你惡。」係，有幾次，在電話中，比佢凶狠而直接地說穿了我的問題，令我一個人在路邊不停喊。十年友誼，早已變成了對方的惡爺，互相直指對方的缺點；也成了對方的字典，你不用說，我明。多謝給我們一個日本旅遊時間相聚。好，洪永城，將來有機會一起拍節目的話，再戰。」