李嘉鬧《包青天》導演唔識尊重演員 武神爆seed:唔係靠大聲靠惡

撰文:
最後更新日期:

演員們付出過的努力同汗水當然希望可以獲得觀眾的認同,但最後竟然連名字都沒有印在海報上,又真係講唔過去。TVB「打得之人」的李嘉最近就忙於拍攝劇集《包青天再起風雲》,在劇中飾演王朝嘅佢見到海報有自己個樣但名字卻消失了,令他立即在Facebook出po並表示,「從開拍至今我們也不知一起捱了多少個通宵!我們對白雖然不多,但每集都是有份參與,甚至也有影在宣傳海報上..但為何最後卻連演員名字都沒有印在海報上呢?!你當我們是友情客串?!還是老臨呀?!」一班網友見到後都好火滾,認為TVB好唔尊重佢!其後李嘉接受《香港01》訪問時就透露,「開拍之前佢地打俾我就話今次角色,戲份都好重,影海報有份。其實當時我要搞開武館同餐廳,聽到佢地咁好咪接,所以個陣我都好快咁搞掂武館嘅事。」

雖然劇集中有李嘉嘅樣,但名字就消失了。

李嘉之後續道,「隔無耐佢地又話唔洗影海報,咁都算喇,繼續拍戲。拍到兩個月多啲又話要影。唉,你話乜就乜,咪去影咯。去到琴日我見到微博張海報,無我地嘅名字,點解咁奇怪,係咪溝通出問題呢?」他表示之前都未試過咁,「今次真係半字不提,已經唔去講公唔公平,唔敢同佢講公平,一定唔會有。講真講求財,我錢真係唔缺,求名都唔需要,只係當練下功夫。點解一個基本嘅尊重都無。」

李嘉見到海報之後就好「嬲嬲豬」,係facebook發文。

李嘉在訪問中亦講到知道只能夠「呻」兩句就算,「最好笑我係微博見到後罵我有留言,點知個留言之後俾人delete咗。我都唔怪TVB,我知道成個TVB有好多部門,係部門定一個人錯呢究竟?!」他指今次TVB在拍攝上都同以往唔同,「因為佢地想拍到好似內地嘅水準,以前一句對白最多拍一個8-9個take,而家我地係要拍20幾次。人地內地拍劇用一年嘅時間拍,但而家係要4-5個月之內拍完,我覺得係要考慮下整個配套。因為有好多演員都拍到病,係頂硬上。」李嘉指自己雖然是飾演王朝,但好多戲份都要在場,「做包青天同公孫先生個個咪仲辛苦,所以一定要講出黎!」

李嘉指自己經常打磚頭是希望可以下啖氣。

見到李嘉一次過講咁多事,都睇得出佢嘅無奈,他解釋自己一向不會睇人眼色嘅人,「好似打功夫咁,你打我一拳,我一定還返,係本能反應。因為你唔講只會積累越多,對TVB,演員甚至整個電視行業都唔好,會係惡性循環。」他指出有咁多演員離開TVB都是因為工作環境,「如果係重視演員,至少都要有一個舒服的工作環境,起碼係互相尊重。」原來他其後透露導演有時候都不太尊重演員,「唔係靠大聲靠惡,好多工作人員都唔buy佢呢套,大家都差唔多年紀,應該都有文化水平,希望可以俾啲尊重大家。」

Bob透露之前都曾經與李嘉合作拍劇,希望留言可以鼓勵下對方。

其後Bob接受《香港01》訪問時就指,「好多人都有過呢個經歷, 有我份嘅嘢但無我個樣,以前係電台或者出面做嘢都試過遇到咁個情況,唔係單一事件。呢啲將來回想返都係一個經歷,令到自己成長。」提到李嘉之後都有回應Bob的留言並寫道,「仲要帶住呢種感覺捱多60幾日。」有網友指他們的對話好高質,問到Bob如果遇到這些情況,會否向公司反應?佢就話,「唔需要反應,寧願自己做好啲去到有一日唔洗你出聲,唔出你個名唔出你個樣唔得,我會咁樣去推動同幫自己打氣。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。