雷莊𠒇去維園花展被外婆叫「馬騮仔」 伍樂怡自比小野菊生命力強

撰文:
最後更新日期:

今年花卉展覽TVB特地派出一班TVB藝員充當模特兒供攝影比賽的參賽者拍攝,雷莊𠒇(Juliette)是其中一位,她接受《香港01》訪問時表示,小時候每逢花卉展覽都會與婆婆一同賞花,幾乎已成了一個習慣。

雷莊𠒇今日著民族服裝。

雷莊𠒇說:「因為我哋住附近,婆婆都會帶我嚟維園玩。細個婆婆要一個人照顧我、哥哥同妹妹3個人就有少少驚,所以我就唔會出嚟咁耐。我仲記得婆婆會話我好似馬騮仔,因為我細個好好動,會玩嗰啲健身架、打觔斗。」Juliette説,今年也不例外,婆婆也會一如往常到香港花卉展覽賞花。

雷莊𠒇表示細個成日都同婆婆去維園玩。

中國人習慣將女性比喻為花。問到Juliette覺得自己是甚麼花時,她就選擇了玫瑰花。「玫瑰花可以好高貴,又可以性感,我覺得自己都有呢啲特質。(但係玫瑰花有刺。)即係代表自己有信心,唔會怕批評。我覺得自己個身形同玫瑰花一樣咁好。其實最主要都係因為我鍾意收玫瑰花,同埋我好鍾意聞玫瑰花。」

伍樂怡著起民初服裝真係好襯。

同場擔任模特兒的伍樂怡(Kelly Ng),自去年落選香港小姐之後,就加入了TVB第29期訓練班,月底更會畢業正式加入TVB。今次以民初美人造型示人,與其他人相比毫不輸蝕。伍樂怡笑言,化妝師更特別的為她戴上假髮,前後花了差不多2小時化妝。

伍樂怡表示今次是第一次到「香港花卉展覽」,一切感覺都很新鮮。「其實我都係返咗香港2年,都係今年先知年年有花展。多倫多都係草原,其實冇花展。如果要睇花就要去花店先可以見咁多花。細個記得去行年宵,要買銀柳裝飾屋企。」

問到被網民封為「民選港姐」的伍樂怡會選擇用什麼花代表自己?她說:「我會揀黃色嘅小野菊。因為我喺加拿大見得最多嘅就係小野菊。佢哋嘅生命力其實好強,唔需要好悉心栽培,喺草原就可以見得到。加拿大到咗開花季節,小野菊其實一開就可以遍滿成個綠色草地,變咗個黃色嘅花海。點解我會揀小野菊首先就因為黃色好陽光,望落去感覺好舒服好乾淨。」伍樂怡呢位「民選港姐」嘅選擇真係好唔同。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。