沈月想入行？ 邱淑貞話大家諗多咗：佢想有私人空間
撰文：張嘉敏
出版：更新：
邱淑貞同老公沈嘉偉齊齊現身活動。（梁碧玲攝）
已經退出娛樂圈多年的邱淑貞 (豆斗) 這晚出席活動時，一身all black打扮美麗如昔，靚樣同身材都keep得非常好，她還罕有地接受訪問。豆斗透露農曆新年期間一家人到了美國LA，老公沈嘉偉的時裝集團於當地開店，工作順道旅遊，她笑言：「我哋成家去親旅行都好大陣仗。」又讚三個囡囡都好乖好聽話。問到女兒驚她或是驚爹地多些，她即說：「兩個都唔驚，我哋驚佢哋多啲。」
沈月之前曾拍攝慈善廣告。
提到豆斗的大女沈月愈大愈靚，似足媽咪，身為媽咪的她就趁機重申女兒真係無意加入娛樂圈：「佢自己都唔想入，希望大家唔好再跟佢影佢，佢有時都會唔開心，覺得影響到日常同學校生活，佢想有私人空間。之前佢都會喺社交網share自己嘅嘢，依家都無喇，唔想畀人跟，佢一直都無話要入行。可能我由細到大有佢講自己嘅入行經歷，我話佢最多做下model好喇，佢都話唔想。都有幾間公司想搵佢，但係佢並無興趣。」
邱淑貞話沈月真係唔想入行。（梁碧玲攝）