【果欄中的江湖大嫂】林敬剛捱足24年冇揸流灘:hea做就被淘汰

撰文:林通賢
出版:更新:
《果欄中的江湖大嫂》林敬剛飾演其中一名欄主,幾乎每集都有份演出。

Google 搜尋林敬剛,彈出來的是「兇神惡煞的壞人」,的確,在最近兩套上映的電視劇《果欄中的江湖大嫂》及《翻生武林》都不是斯文人,惡形惡相想起的就是林敬剛。行內人都叫他做King kong,做惡人必定有火,林敬剛亦不例外,尤其演戲,在無綫24年,或者沒有人想到他曾經為事業流淚,「試過喊,我係咪唔得呢?點解做到咁?而家唔開心會同老婆講,佢係我唯一傾訴對象。」

林敬剛在《翻生武林》飾演徐定虎,惡得嚟亦有喜感。

林敬剛94年入無綫,未入行前曾經入過警校,後被李修賢睇中拍電影,輾轉入無綫當藝員,曾經是經理人合約,有過一些機會,但之後要為還騷開工,他自言那是最辛苦的時期「試過唔夠騷,或者啲角色冇乜戲做,唔開心㗎,失眠㗎.....見到有啲同事有得發揮,自己就企喺後面,心諗如果俾我做就好喇。」遇到這些情況,最容易的就是積極變消極,但King kong團火24年從來沒有熄過,現在播映中的兩綫劇集,角色不算太重戲,但他亦為角色設計造型及對白語氣等,不過觀眾未必留意到,他說:「唔係要有人睇到先做㗎,做好自己本份先。」

林敬剛在《壯王宋世傑》飾演楊初九,有不少發揮機會。

林敬剛的情況,如果你是打工仔會很容易代入,試想像曾經有機會升職,之後年都沒有出現晉升機會,更要在同一個崗位,想唔hea都難,但king kong沒有,「呢個世界每分鍾都有新演員出現,你hea做咪即係俾人淘汱囉,我唔想俾人淘汱,我仲想有機會,係咪要做主角唔係,有就當然最好啦,但我想要有發揮嘅戲,一句對白我真係無辦法,但你俾一場戲我,我一定捉緊佢嚟演。」

林敬剛近年最開心是參與Big Big Channel的網劇《十兄弟》,預告片戲份尤如主角一樣

當然不是講有火,自我燃燒就算,在適當時間要爭取,電視迷或者有留意,林敬剛在《守業者》有場喊戲,連主角馬浚偉讚,原來這場戲原先劇本沒有,是他向導演爭取,「嗰場戲講我個妹(邵美琪飾)死,劇本有寫但好平,我就同導演講不如試下,有少少位講我係為咗呢個妹喊,唔長架,得幾秒,但我覺得係啱呢場戲,於是我就做一次俾導演睇,如果佢話跟劇本,咪算囉,但後尾佢都接納咗。」娛樂圈是奇怪地方,尤其網絡年代,隨時一鋪賺返哂,上年就出現了一個機會,「Big Big Channel有套《十兄弟》我估唔到自己有咁多戲,預告最後仲係我自己大頭,我事後都send信息多謝導演,佢話好多大機會原班人物開拍,我都真係好希望係,正式開拍真係有我份。」

+1
你可能感興趣