【VR驅魔人】鄧月平傻更更拍劇 連自己係人係鬼都唔知
撰文：陳栢宇
出版：更新：
鄧月平（Larine）出名性格有些少傻大姐，經常鬧出唔少笑話，最近她又多咗一樣嘢可以同大家分享，今日佢喺ViuTV劇集《VR驅魔人》記者會就指拍劇時搞出大烏龍：「因為我個角色有少少神龍見首不見尾，成日突然出現，睇劇本時，我以為自己係鬼，連王貽興睇劇本都以為我係鬼，但劉翁就話我唔係鬼，又話我睇錯劇本但反應做啱，搞到我自己連自己係咪鬼都唔知，要等睇最終版本。」
到底Larine戲中係鬼定係人，真係要等套劇播先知喇。（梁碧玲攝）
提到鬼呢個話題，Larine話：「鬼係未知領域，人類都未確定到，人又好鬼又好，只要係心地善良、肯幫人就OK。（有冇呢啲經歷？）其實我啱啱上完潘紹聰嘅《恐怖在線》，一路做就一路聽到個耳機喺度咿呀咿呀，佢就話成日都係咁，嚇死我。（冇見過？）唔知係咪視力問題，成日見到啲唔肯定係咪嘅嘢，但既然都唔肯定，就梗係當佢唔係啦！」
Larine話成日都見到古怪嘢，但既然都唔知係乜，就當然當佢哋唔係鬼，無謂自己嚇自己。（梁碧玲攝）
+3